په رسینو خپاره راپورونه وایی چې ټاکل شوې وه چې د امریکا اولس مشر ټرمپ په هند کې پهڅلور اړخیزه غونډه کې ګډون وکړي، خو اوس یې سفر لغوه کړی دی
امریکایي ورځپاڼې نیویارک ټایمز ویلي دي چې ټرمپ د څلور اړخیزې غونډې لپاره د هند د سفر هېڅ اراده نه لري او د روان کال لپاره یې د هند د سفر پلانونه ختم کړي دي
یاده دې وي چې څو ورځې وړاندې ولسمشر ټرمپ له روسیې څخه د تیلو د وارداتو په اړه پر هندي توکو ۵۰ سلنه ټیرف (محصولات) لګولو وروسته د سوداګریزو خبرو اترو نه منلو اعلان کړی و
کله چې په اوول آفیس (سپینې ماڼۍ دفتر) کې خبریالانو له ولسمشر ټرمپ څخه وپوښتل چې ایا د هند پر ضد د درنو محصولاتو تر اعلان وروسته لا هم د نورو خبرو تمه لري؟ نو هغه په ځواب کې ویلي وو
: “تر هغه مهاله نه، تر څو چې موږ دا د ټیرف ستونزه هواره نه کړو.”
په ډاګه ده چې د هند او امریکا تر منځ د سوداګریزو اړیکو او محصولاتو په اړه له ډېرو ورځو راهیسې خبرې روانې وې او د نوي ډیلي دریځ دا و چې د خبرو له لارې به پر ټولو ستونزو بریالي شي
دلته مهمه ده او باید یادونه وشی چې امریکا ولسمشر پر هندي توکو د ۲۵ سلنه اضافي محصولاتو اعلان هم کړی و، چې په دې سره اوس پر هندي توکو په ټولیز ډول ۵۰ سلنه مالیه لګېدلې ده
دلته دا هم مهمه ده او باید چې یادونه ی وشي چې اقتصاد پوهان وایی چې که امریکا په هند زیاتو ټیکسونو لګولو ته دوام ورکړي نو ددې ګټه به سیمه ایزو هیوادونه ته لاړه شی ځکه دا هیوادونه به په امریکا کې د خپلو توکو لپاره مارکیټ پیدا کړي