اسلام آباد کښې سينئير خبريالانو سره غيررسمي خبرو دوران نائب وزيراعظم او خارجه وزير اسحاق ډار د ملک امنيتي ،سياسي صورتحال او د مختلف ملکونو سره د پاکستان اړيکو په معاملو خبرې کړيدي ۔ د خارجه وزير وينا ترمخه نړي وال ملکونو سره د پاکستان اړيکې ورځ تر بله مضبوطيږي د چېن خارجه وزير د پاکستان ګټه وره دوره کړېده او وزيراعظم شهباز شريف هم د روانې مياشت په ديرشمه نيټه بيجنګ ته ځي ۔ خبريالانو د امريکې د خارجه وزير مارکو روبيو د پاکستان د ممکنه دورې په حواله پوښتنه کړي وه د هغې په جواب کښې اسحاق ډار ووئيل چې في الحال د مارکو روبيو د پاکستان دوره نه ده شيډول شوے چې هغه کله هم اسلام آباد ته د راتګ پروګرام جوړ شو نو ميډيا به ترې هم خبر اوساتو ۔ هند سره تعلقاتو په حواله خارجه وزير ووئيل چې د دواړو ملکونو ترمينځ جنګ بندۍ باندې عمل درآمد جاري دے پاکستان سره جنګ بندولو لپاره هند واکمنو امريکې ته خواست کړي وو او د هغې نه پس د امريکني چارواکو راسره ټيلفونک رابطه کړې وه په جواب کښې ورته ما واضح کړيده چې پاکستان هيچا سره جنګ نه غواړي ۔ اسحاق ډار زياته کړيده چې پاکستان اوس هم د کشمير بشمول په ټولو معاملو هند سره مذاکراتو لپاره تيار دے ۔
خارجه وزير دا هم وئيلي دي چې مونږ چا ته سوال منت نه دې کړے چې پاکستان او هند دې يو ځائې کېنوي که نيوټرل مقام باندې هند د پاکستان سره مذاکرات کول غواړي نو پاکستان هر وخت تيار دے خو مذاکرات به په يو نکاتي ايجنډا نه وي بلکه د کشمير بشمول په ټولو لانج من معاملو به خبرې کيږي ۔ د پاکستان او بنګله ديش د اړيکو په حواله خارجه وزير ووئيل چې دواړو ملکونو ترمينځ تعلقاتو کښې مهم پرمختګ راغلې دے دې اړيکو ته وده ورکولو لپاره د خالي د ورځې نه د بنګله ديش دوه ورځنې دوره کوم ۔