د یکشنبې په ورځ، د سهار ۱۰ بجې به د جمرود بابِ خیبر په ځای به د ځوان کوکي خېل اتحاد له لوري د ملک نصیر کوکي خېل د غیرقانوني نیولو پر ضد د ټولو سیاسي ګوندونو کانفرنس او احتجاج کوو
ملک صفدر علي افریدي، چې د ځوان کوکي خیل تنظیم مشر دې ، په ډسټرکټ پریس کلب رجسټرډ لنډي کوتل کښې له خبریالانو سره د خبرو پر مهال وویل چې په سیمه کښې د روانې ناامنۍ او د ملک نصیر کوکي خېل د نیولو پر ضد دغه ټولګوندیز کانفرنس رابلل شوی دی، چې پکې به ټولو سیاسي ګوندونو، سیاسي او ټولنیزو شخصیتونو، وکیلانو، د رسنیو کارکوونکو، ټولنیزو فعالانو، قومي مشرانو او ملکانو، زده کوونکو ، سیمه ییزو تنظیمونو مشرانو او د مختلفو مذهبونو او فکر مشرانو ته د ګډون بلنه ورکړل شوې ده
نوموړي وویل چې د ملک نصیر د خوشې کولو لپاره به یو پرېکنده تحریک پیل کړي
هغه زیاته کړه چې د دې کانفرنس د میډیا کوريج لپاره د ډسټرکټ پریس کلب لنډي کوتل ټولو خبریالانو ته په رسمي ډول بلنه ورکوو
په خبرو کښې هغه تور ولګول چې ادارې قبایلي سیمو مشرانو سره ظلم کوي او چې څوک ددوی په ضد مبارزه کوي نو ددې مشرانو غږ ټیټوي
ملک نصیر کوکي خیل ولې په قیدخانه کښې دې ؟
دلته ددې خبرې باید یادونه وشي چې ملک نصیر کوکي د تیراه متاثرینو د بیرته ستنیدو او ددوی د حقونو لپاره د پیښور او تورخم لویه لار څه دوه میاشتې د بهګیاړي په چیک پوسټ تړلې وه ، دوی احتجاجي پرلت کړې وو چې له وجهې ی د پاکستان او افغانستان دوه اړخیز تجارت ته په اربونو روپۍ زیان رسیدلې وو.
د ملک نصیر کوکي خیل په ضد د ریاستي ادارو په ضد ویناوې کول ،سرکاري او فوځي مشرانو ته د مرګ ګواښون کول او حکومتي رټ چیلنج کولو مقدمو کښې په قید دننه کړې شوې دې.
د خیبرپښتونخوا کوهاټ پولیسو له لوري یو ایف آی ار کښې بیان شوي چې ملک نصیر د ریاستي ادارو په ضد ویناګانې او ګواښونه کول او افسرانو له ی د مرګ ګوښونه ورکول چې له امله ی هغه حکومت ادارو ته مطلوب دې او ترننه پورې هغه په بندي خانه کښې دې