خیبرپختونخوا کښې د شلو کلونو بلدیاتي آډیټ رپورټ کښې په سلګونو اربو روپو مالي کرپشن انکشاف شوې دې
په خیبرپختونخوا کې د ۲۰۰۲ نه تر ۲۰۲۴ پورې د بلدیاتي حکومتونو د شلو کلونو آډیټ رپورټ کې د ۳۵۴ اربه ۱۲ کروړه ۶۰ لکه روپو نه زیاتې مالي بېضابطګۍ افشا شوې دي چې تر اوسه ددې لوی کرپشن معلومات او ریښتونې پلټنې نه دي شوي
دلته دا خبره مهمه ده او باید چې یادونه وشي چې کارپوهان وایي چې د دې بېضابطګیو دوام یو مهم علت دا دی چې تر اوسه پورې یو مؤثر، فعال او کاروونکی نظام نهدی جوړ شوی چې دا اعتراضات حل کړي او ددې لوی کرپشن معلومات وکړي او ککړ راڅرګند کړي
په رسنیو کښې خپور د یو راپور ترمخه ، د آډیټر جنرل دفتر وایی تر دې دمه یوازې ۳ اربه ۲۳ کروړه ۲۰ لکه روپۍ بیرته ترلاسه شوي، خو پاتې ۳۵۰ اربه روپیو واپس لاس ته راوړنه نه ده شوې
آډیټ چارواکي وايي که حکومت د احتساب په نظام کې سمون رانهوړي، نو دا ډول آډیټ اعتراضونه به نور هم زیات شي. بلخوا، د بلدیاتو محکمه وایي چې دوی ته لا تر اوسه کوم آډیټ رپورټ نهدی ورکړل شوی
کارپوهان دا هم وایي چې د تحریک انصاف حکومت نه و توانېدلی چې د تحصیل اکاؤنټس کمېټۍ فعاله کړي او نه یې د مقامي حکومتونو د مالیاتو د څار لپاره د پبلک اکاؤنټس کمېټۍ ته جدي قانوني واک ورکړو
په داسې وخت کښې چې په خیبر پښتونخوا کښې دا لوی کرپشن مخې ته راغلې ، د بیله بیلو تنظیمونو مشرانو له حکومت څخه غوښتي دي چې ددې لوی کرپشن دې صحیح پلټنې وشي او په دې لوی کرپشن کښې ککړ کسانو په ضد دې سخته کاروایی وشي چې دا لوټ کړې پیسې ددوی څخه واپس واخستل شي