ایران سفارتخانے د هند په ځینې رسنیو سختې نیوکې کړې دي
په نوي ډیلي کې د ایران سفارتخانه د هندي رسنیو پر ځینو حلقو کلکې نیوکې کړې دي او پر هغوی یې تور لګولی چې د ایران او د هغه د مشرتابه پر ضد یې “جعلي او له حقیقته لیرې خبرونه” خپاره کړي دي
په یوه رسمي بیان کې ویل شوي، دا ډول رپورټونه نه یوازې د ایران سپکاوی دی، بلکې د هندي رسنیو باور او د خلکو اعتماد هم تر پوښتنې لاندې راولي
بیان زیاتوي چې یو شمېر پېژندل شوي هندي رسنیو په وروستیو ورځو کې د ایران په اړه بېاساسه دعوې خپرې کړې دي، چې هېڅ واقعیت نه لري. که څه هم په بیان کې د کوم مشخصې رسنۍ نوم نهدی اخیستل شوی، خو ویل شوي چې دا ډول کړنې د مسلکي اخلاقو او دوه اړخیزو اړیکو لپاره زیانرسوونکې دي
د بیان ازادۍ ترڅنګ، مسؤلیت هم مهم دی
ایراني سفارتخانې د بیان ازادۍ او د خلکو د معلوماتو حق ته په درناوي سره ټینګار کړی چې رسنۍ باید پر باوري او غیرجانبداره سرچینو تکیه وکړي. له ایران سفارت خپور بیان کې ویل شوي دی چې
احساساتي او حیرانوونکي رپورټونه نه یوازې مسلکي ارزښتونه زیانمنوي، بلکې نړیوالې اړیکې هم اغېزمنوي
هندي خبریالانو ته د احتیاط کولو سپارښتنه
په بیان کې د هند خبریالانو، مدیرانو او د رسنیو مالکانو ته سپارښتنه شوې چې د حساسو جیوپولیټیکل شخړو پر مهال دې له زیات احتیاطه کار واخلي. سفارتخانې خبرداری ورکړی چې کله ناکله غلط معلومات د بهرنیو قوتونو د ایجنډا ملاتړ کوي او دپلوماتیکو اړیکو ته زیان رسوي
د وروستۍ پوځي مقابلې یادونه
په بیان کې د ایران او اسراییلو ترمنځ د نږدې ۱۲ ورځو پوځي کړکېچ یادونه شوې ده، چې پکې د ایران ستر مشر (سپریم لیډر) د دفاعي مشر رول ادا کړی. دا عمل د ایران د “دفاع یو پرېکنده ګام” بلل شوی. بیان زیاتوي، دا ډول تاریخي پرمختګونه باید د صداقت او احتیاط له لارې خپاره شي
د ایران او هند اړیکې
بیان په پای کې ټینګار کوي چې ایران او هند د دوه پخوانیو تمدنونو وارثان دي، چې ترمنځ یې تاریخي او فرهنګي اړیکې موجودې دي. دا ډول غیرمسؤلانه راپورونه نه یوازې دا اړیکې کمزوري کوي، بلکې د رسنیو اعتبار ته هم زیان رسوي