هند خلاف بيان مرصوص آپريشن تاريخي ګټه وه،د اولس په ملاټر مو دښمن له عبرت ناک شکست ورکړي وو،ډي جي آئي ايس پي آر

ډي جي آئي ايس پي آر ليفټنټ جنرل احمد شريف د لاهور کنګ ايډورډ ميډيکل يونيورسټۍ دوره کړېده او طالب علمانو ته ئې د ملک سيکيورټۍ صورتحال ، د هند خلاف بنيان مرصوص آپريشن په کاميابۍ او د ملک دفاع لپاره د پاک پوځ په حکمت عملۍ خبرې کړيدي ۔ ليفټنټ جنرل احمد شريف ووئيل چې معرکه حق آپريشن کښې کاميابي د اولس او په خصوصي توګه د ځوان کول د مرستو بغير ناممکن وه ۔ د پاک د ترجمان وينا وه چې کشمير د پاکستان شه رګ دے او آئنده به هم وي ۔

د ملک دښمنه عناصرو ټول عزائم به ناکامه کوؤ،پاک پوځ ترجمان

طالب علمانو ته د وينا په مهال ډي جي آئي ايس پي آر د ملک امنيتي صورتحال او فتنه هند مرستيالو خلاف د عملياتو ذکر هم کړېدے او وئيلي ئي دي چې د شمير يو څو ترهه ګر د بلوچستان او پاکستان د ترقۍ او څوکالۍ لار نشي نيولي د ملک نه به هر حال کښې ترهه ګري ختمولې شي ۔ د بلوچستان د حالاتو په حواله د پاک پوځ ترجمان ووئيل چې د بلوچستان اولس پاکستان سره د مذهب،کلتور،تاريخ او روايت په رشتو کښې تړلي شويدي،ملک دښمنه عناصر ملک سره د بلوچيانو دغه تړون نشي کمزورې کولے۔ د کنګ ايډورډ ميډيکل کالج طالب علمانو آپريشن بنيان مرصوص دوران دښمن ته غاښ ماتې جواب ورکولو او په دې تاريخې ګټه پاک پوځ ته د عقيدت پيرزونې وړاندې کړيدي او د آئنده لپاره ئې هم د داسې غونډې منعقد کولو باندې زور راوړېدے ۔