پیښور کښې د پولیو کمپاین اهلکارو احتجاج کړې

نن د ګل په ورځ د ضلع خیبر او د پېښورضلعو د پولیو کمپاین سپروائزرانو او کارکوونکو لخوا د خپلو غوښتنو په ملاتړ کښې د روغتیا نړیوال سازمان دفتر مخې ته احتجاج وکړو

پولیو کمپاین اهلکارو اعلان وکړو چې له نن نه به د سرحدي سیمو روان پولیو کمپاین او د ماشومانو د حفاظتي واکسین پروګرام څخه په بشپړ ډول بایکاټ کوي

احتجاج کوونکو غوښتنه وکړه چې ډبلیو ایچ او او حکومت دې دوی سره د دایمي کار معاهده وکړی او ډي ډی آیم سسټم دوی ته د منلو نه دې او دا دوی رد کوي

دوی اوویل چې ډي ډي ایم سسټم دوی نه مني او دا سسټم به د رنځورو ماشومانو په صحت هم بده اغیزه وکړي

مظاهره کوونکي زیاتوي چې په تېرو اوو کلونو کښې د خیبر ضلعی نه یو هم د پولیو پېښه نه ده راپور شوې، چې دا د دوی د سختو هڅو نتیجه ده خو اوس د دوی د دې خدمتونو په پایله کښې ددوی نوکرۍ ته خطر راپیښ شوي دې او دوی ی مالي ستونزو سره هم مخ کړي دي

مظاهره کوونکو اوویل او ګواښ ی وکړو چې ترڅو ډي ډي ایم نه وي ختم شوې او سره د نوکرۍ نوې معاهده ترسره نه شوي، نو دوی به احتجاج ته دوام ورکړي