دوه اړخيزه اړيکو،نشه اي موادو سمګلنګ مخ نيوي لپاره مشترکه کوششونو باندې اتفاق شوي
وفاقي داخله وزير محسن نقوي سره د اعلي پائي پائي وفد د کابل يو ورځنې دوره کړي وه او د خپل افغان هم منصب سراج الدين حقاني سره ئي ملاقات کړي وو ۔ د افغان کورنيو چارو وزارت د وياند عبدالمتين قانع د بيان ترمخه سراج حقاني د پاکستان د کورنيو چارو وزير او د هغه د وفد د کابل د سفر هرکلي وکړو او د دواړو هيوادونو دولتي چارواکو ترمينځ د رابطو او ملاقاتونو ستائينه ئې وکړه وي وئيل چې دې سره به د دواړو ګاونډي ملکونو تعلقات نور هم قوي شي ۔ دواړو مشرانو د پولو سيکيورټۍ صورتحال، نشي موادو د مخ نيوي د منطقې او نړۍ په حالاتو هم خبرې وکړي او يو بل سره ئې خپل خپل نظرونه او تجويزونه شريک کړل ۔
پاکستان نه افغان کډوالو سره د ښه چلن مطالبه
د دواړو ملکونو د کورنيو چارو وزيرانو د نورو موضوعاتو ترڅنګ پاکستان کښې ميشته د افغان کډوالو په مشکلاتو او پاکستاني حکومت له لوري افغان مهاجرين خپل هيواد ته واپس ليږلو په معامله هم په تفصيل سره خبرې وشوے ۔ سراج الدين حقاني د پاکستان په مختلف جيلونو کښې بنديوان افغانانو او کيمپونو کښې ديره مهاجرينو د ستونزو او دوي سره د بد سلوک د شکايتونو معامله خپل هم منصب محسن نقوي سره پورته کړيده ۔ د سراج حقاني وينا وه چې پاکستان او افغانستان نه صرف دوه ګاونډي مسلمانان هيوادونه دي بلکه زمونږ نور هم ډير مشرکات لرو بايد چې پاکستان د کډوالو او قيديانو سره ښه سلوک وکړي او د دوي ټول مشکلات دې ختم کړي ۔
پاک افغان پولو امنيت ۔ نشي موادو مخ نيوي ژمنه
افغان کورنيو چارو وزارت وائي چې د پاکستاني وزير محسن نقوي او سراج الدين حقاني ترمينځ شوي ملاقات کښې د دواړو هيوادونو شريکې پولې د سيکيورټۍ او د مخادره موادو پرضد مبارزۍ په معاملو هم د خيالاتو بدلون شوېدے، سراج حقاني خپل هم منصب سره د خبرو په مهال په پاک افغان پولو د تاجرانو او د خلکو تګ راتګ کښې وخت په وخت رامخې ته کيدونکې ستونزې په مکمله توګه له مينځه اوړولو خواست کړېدے ۔ او وئيلي ئي دي چې د دواړو هيوادونو ترمينځ مسائل او په بے باورۍ بشمول نور مشکلات د خبرو او مذاکراتو د لارې حل کيدل پکار دي ۔ داخله وزير محسن نقوي په دې موقع ووئيل چې پرامن افغانستان د پاکستان او ټولې منطقې په مفاد کښې دے،د سيمې د امن او څوکالۍ او د نشي اي موادو د سمګلنګ د مخ نيوي لپاره دوه اړخيزه همکاري مهمه ده پاکستان د دې ټولو ستونزو د حل کولو لپاره افغان دولت سره په شريکه کار کولو له تيار دے ۔ محسن نقوي خپل هم منصب له باور ورکړو چې افغان تاجرانو او عامو وګړو ته پاکستان کښې څه قسم مشکلات هم رامخې ته وي حکومت به د دې د ختمولو هر ممکن کوشش کوي ۔
