په دې مهمه ورځ وزیراعظم شهباز شریف ویلي دي چې د کشمیریانو دریم نسل هم د خپل برخلیک لپاره پوره پوره ژمن دې او تردې حق اخستلو پورې به د کشمیریانو مبارزه دوام وکړي.
نن په ټوله نړۍ کښې میشت کشمیریان د پاکستان سره د الحاق ورځ لمانځي.
په دې موقع د پاکستان وزیراعظم شهباز شریف په ځانګړي پیغام کښې ویلي دي چې د کشمیر ستونزې سوله ییز حل د سیمې د ثبات لپاره ډیر اړین دي او د کشمیر مسلې حل ددې سیمې د سولې او ثبات لپاره یواځینې ضمانت دې.
نن د پاکستان په ګډون په ټوله نړۍ کې مېشت کشمیریان د الحاق پاکستان ورځ لمانځي. دا هغه ورځ ده چې په کال ۱۹۴۷ کښې په دې ورځ د کشمیر استازو د پاکستان سره د شاملیدلو په شریکه پریکړه وکړه.
په دې مهمه ورځ وزیراعظم شهباز شریف په خپل پیغام کښې ویلي دي چې د هند لس لکه فوځيانو هم د کشمیریانو د آزادۍ جذبه ماته نه کړه. هغه ویلي چې د کشمیریانو دریم نسل هم د خپل برخلیک لپاره پوره پوره ژمن دې او تردې حق اخستلو پورې به د کشمیریانو مبارزه دوام وکړي.
نوموړي زياته کړه، چې د لسیزو اوږده مبارزه د کشمیریانو د حریت او ازادۍ د احساس څرګند ثبوت دی. د کشمیر مسئلې سولهيیز حل د ټولې سيمې د دايمي سولې لپاره اړين دي.
