يورپي يونين د سيمې امن بحالۍ او ترهه ګرۍ مخ نيوي لپاره د پاکستان کوششونه ستائيلي دي
خارجه دفتر ترمخه د پاکستان او يورپي يونين ترمينځ د سياسي مذاکراتو لسم پړاؤ برسلز کښې شوې وو چې پکښې سيکرټري خارجه آمنه بلوچ د پاکستان د وفد او د يورپي يونين ډپټي سيکرټري جنرل اولو سکوګ د خپل وفد مشري کوله ۔ د مذاکراتو په مهال د پاکستان او يورپي يونين ترمينځ اړيکو پراختيا او مختلف شعبو کښې تعاون او د سيمې په صورتحال
خبرې شويدي ۔ ملاقات په مهال د پاکستان او يورپي يونين سټريټجک انګيجمنټ پلان( ايس اي پي) باندې عمل درآمد يقيني کولو د عزم اظهار شوېدے او دواړو فريقينو ترمينځ د رابطو او ملاقاتونو سلسله جاري ساتلو باندې اتفاق شوېدے ۔ د مذاکراتو دوران د پاکستان خلاف د هند جارحيت په معامله هم خبرې شوېدي،آمنه بلوچ د مقبوضه کشمير صورتحال او د هند واکمنو لخوا په کشمريان روان ظلمونو او د بشري حقونو خلاف ورزۍ معامله هم د يورپي يونين د وفد سره پورته کړيده ۔ دواړو فريقينو د منطقې امن لپاره ټولې شخړې د مذاکراتو او سفارتکارۍ د لارې حل کولو باندې زور راوړېدے، د مذاکراتو دوران د يورپي يونين وفد د فلسطنيانو خلاف اسرائيلي جارحيت کښې اضافه باندې د تشويش اظهار کړېدے او دواړو فريقينو ته ئې د جنګ بندۍ اپيل کړيدے۔ د يورپي يونين يونين ډپټي سيکرټري جنرل اولو سکوګ د ترهه ګرۍ خلاف جنګ او د سيمې امن او استحکام لپاره د پاکستان د کوششونو ستائينه کړيده او وئيلي ئي دي چې يورپي يونين به د ترهه ګړۍ، نشي موادو د مخ نيوي لپاره پاکستان سره خپل همکارۍ جاري ساتي۔
د ملاقات دوران دواړو فريقينو دوه اړخيزه اړيکو ته پراختيا ورکولو لپاره اووم سټريټجک ډائيلاک منقد کولو د خواهش اظهار کړېدے او فيصله شويده چې د سياسي مذاکراتو يوؤلسم اجلاس به راتلونکي کال په اسلام آباد کښې کيږي ۔