د خیبر پښتونخوا پولیسو په صوبه کې د ترهګرۍ پېښو، تښتونې، ځانمرګي بریدونه او بمي چاودنو په اړه شپږ میاشتنی راپور خپور کړې دې
د پولیسو له لوري راپور ترمخه د روان کال په لومړیو شپږو میاشتو کې د ترهګرۍ ۷۵۶ پېښې د پولیسو په بېلابېلو تهاڼو کې درج شوي دي
د پولیسو مرکزي دفتر ترمخه سږ کال په زور د پیسو اخستلو ، بهتاخورۍ ۹۴ پېښې ثبت شوي او په صوبه کې د هدفي وژنو ۴۱ پېښې راپور شوي
د تښتونې ۳۸ پېښې په بېلابېلو تاڼو کې راپور شوې، د پولیس سرچینو ترمخه سږ کال ۸۰ آیی اي ډي ، چاودېدونکي مواد او ۵ ځانمرګي بریدونه شوي دي.
د پولیس لوري خپور راپور ترمخه په ټول صوبه کې ۱۲ توغندیز بریدونه او ۳۵ د لاسي بم بریدونه شوي دی او پر پولیسو او نورو چارواکو د ډزو ۲۶۹ پېښې راپور شوي دي.
د ترهګرو سره د همکارۍ په تور ۴۴ مقدمي درج شوي دي او د ترهګرو مالي ملاتړ په اړه ۱۳ مقدمي ثبت شوي دي.
سږ کال تر دې دمه د سي ټي ډي په څانګه کې ۷۵۰ پېښې درج شوي او د سي ټي ډي پولیس د ترهګرۍ سره تړلي ۵۶۱ پېښو پلټنې کوي.
ددې خبرې باید یادونه وشی چې څو ورځې وړاندې په شمالي وزیرستان کې د امنیتي ځواکونو په یو کاروان یو خونړې ځانمرګي برید وشو چې له امله ی ۱۳ فوځیان شهیدان شوي.
سرچینو ترمخه د دغه برید ذمه واري د ناقانونه ګرځول شوې ډلې تحریک طالبان پاکستان یوې ډلې حافظ ګل بهادر ډلې په غاړه اخیستې
خو بیا سرچینې زیاتوي چې ددې ډلې پړه د کالعدم تحریک طالبان پاکستان سره تړلې یوې ډلې اسود الحرب په غاړه اخستې او دا دعوی ی هم کړې چې ددوی ډلې له لوري په ځانمرګي برید کې ی ګڼ شمیر امنیتي سرتیري وژلي او د بکتربند ګاړي په شمول ی نورې موټرې هم تباه کړي دي