افغانستان لپاره د روس خصوصي استازي ضمير کابلوف يوې خبرې ادارے سره مرکې په مهال افغان طالبان د ترهه ګرۍ په ضد جهګړه کښې د روس مهم شراکت دار بللي دے ۔ ضمير کابلوف وائي چې اسلامي امارت د ترهه ګر ډلو خلاف موثره اقدامات کوي روس له پکار دي چې د ترهه ګرۍ د خطرو د مکمل خاتمې لپاره اسلامي امارت سره پوځي مرستې وکړي ۔
د يوې پوښتنې په جواب کښې د روس استازي ووئيل چې افغانستان کښې ترهه ګر ډير وخت راهسې خوندي ټهکانې لري،دا ترهه ګر د امريکې افغان جنګ دوران د يو منظم پروګرام مطابق دلته ځائې کړي شوي وو افغان اسلامي امارت د دې ذمه وار ګڼل نه دي پکار ۔
ضمير کابلوف زياته کړه چې کمزورې معيشت د افغانستان اهمه مسئله ده د افغانانو ستونزې د کانفرنسونواو اجلاسونو د لارې نه حل کيږي چې ترڅو امريکې د افغانستان کنګل کړي شوي ټولې شتمنۍ آزاد کړي نه وي دا ستونزې نه هواريږي بايد چې سوئس بانک کښې جمع شوي د افغانستان ۲.۵ میلیارده ډالر دې اسلامي امارت ته وسپارلې شي ۔