Skip to content 
ځایی خبریالانو، سرچینو او په میډیا خپاره شوي راپورونو ترمخه د خیبر پښتونخوا په ډېره اسماعیل خان کې له ډېرې مودې راهیسې حالات ډېر ترینګلي شوي دي.
په دې سیمه کې پهر پولیس او امنیتي کارکوونکو د هدف په توګه وژنې او د تښتونې په پېښو کې ډیر زیات والې راغلې دې چې ځایی اولس ی د ډیرو اندیښنو سره مخ کړې دې.
د ټانک او ډیره اسماعیل خان ترمنځ ټوله فاصله ۷۰ اویا کلومیټره ده او دا لویه لار د خیبر پښتونخوا د هایی ویز ادارې ترانتظام لاندې راځي.
د ځایی سرچینو ترمخه دا ۷۰ اویا کلومتره دا فاصله اوس سرکاري کارکوونکو لپاره غیر محفوظه شوې ده ځکه چې په دې سړک وسلوال وال کسان په هر ځای او هر وخت کې ناکې لګوي او څه وخت هم کوم سرکاري اهلکار یا سرکاري افسر تښتولې شي.
د سرچینو ترمخه په پورته یادو پیښو کې یادې یو شمیر بدې پېښې په ریکارډ کې هم ثبت شوې دي ، په دې پېښو کې د یو اېډیشنل سیشن جج تښتول، ججانو په موټرو باندې ډزې او د ټانک د ضلعي تعلیم افسر په ګډون د درېو دولتي کارکوونکو تښتول، بانکونو ته د پیسو د انتقال موټر لوټ کول او دا رنګه موټر سوځول شامل دي.
همدارنګه له دې سیمې څخه د پولیو ضد کمپاین دوه کارکوونکي او د پیپلز پارټۍ د ډېره ضلعي صدر تښتول هم شامل دي. که څه هم وروسته د امنیتي ځواکونو یا سیمه ییزو مشرانو په منځګړیتوب دا برمته شوي کسان خوشې شوي دي، خو دا پېښې دومره ډارونکې اغېزې لري چې ډېرو دولتي افسرانو ټانک ته تګ راتګ پرېښودلې دې.
د ټانک او ډېره اسماعیل خان سړک د غیر محفوظ کېدو له امله تېر یو کال راهیسې ټانک، کلاچي او درابن کې ځایي بانکونو ته د نغدو روپو ګاړي راتګ بند شوی دی چې په سیمه کې یې سوداګر او سوداګریزو چارو باندې بده اغیزه کړې ده.
که څه هم په دې ۷۰ کیلومتره اوږده سړک باندې زیا شمیر امنیتي پوستې جوړې شوې دي، خو بیا هم دا پېښې په دوام سره کېږي چې ګڼ شمېرې پوښتنې ې راولاړې کړي دي. .
په کلاچي کې د محکمو او ادارو افسران اوس هم په ډېره اسماعیل خان کې کار شوي او خلک دې ته اړ دي چې ۴۰ کیلومتره لرې مزل وکړي او خپل کار وکړي.
یوازې ډېره اسماعیل خان او ټانک نه دي؛ په لکي مروت کې هم حالات ترینګلي دي. هلته په فبرورۍ کې د پاکستان اټامک انرجي کمېشن د قبول خېل پروژې کارکوونکي تښتول شوي وو چې تر اوسه نه دي خوشې شوي. سربېره پردې، د دې سیمو څخه د نورو کسانو د تښتونې راپورونه هم راغلي دي.
د خیبرپښتونخوا په دې جنوبي ضلعو کې له نزدې یو نیم کال راهیسې وسله والو له امنیتي ځواکونو سره تړلو کارکوونکو ته ګواښونه کړي چې خپلې دولتي دندې پرېږدي. حکومت هم داسې خبردارۍ او ځانګړې لارښوونې کړي چې د دغو لارو پر سفر کولو پر مهال دې له ځان سره دولتي اسناد یا سروس کارډونه و نه ساتي ترڅو دوی د بدو پیښو څخه بچ شي.
د ځایی سرچینو ترمخه دې پېښو د ټانک خلک ذهني ناروغان کړي دي او د سیمې ډېر خلک ددې سیمو په کډوه کولو مجبور شوي دي
