پیښور کی سي ټي ډي غټ ترهګریز برید شنډ کړی ؛ ځانمرګی بریدګر او ملګری یې ووژل شوی, سې ټې دی

پېښور – 29جون،2025

د سرکاري سرچینو له مخې، سي ټي ډي ته د یوې باوري استخباراتي سرچینې له خوا خبر ورکړل شوی و، چې د فتنۀ الخوارج (FAK) نومې ناقانونه نړیوالې ترهګرې ډلې — چې له تحریک طالبان پاکستان (TTP) سره تړاو لري — مهم غړي د ارمارې په سیمه کې پټ دي او د پېښور ښار په یوه حساسه ودانۍ د برید پلان لري

د عملیاتو پر مهال د سي ټي ډي ځواکونو او ترهګرو ترمنځ لنډ خو شدید ډزو تبادله وشوه، چې پکې دواړه ترهګر ووژل شول. امنیتي ځواکونو ته کوم زیان نه دی اوښتی
په دی حقله ترهګرو ډلو له خوا کوم بیان نه دی جاری شوی
د خیبر پښتونخوا د ترهګرې د مخ نیوی محکمه وايي د وژل شوي یوه ترهګر پېژندګلو د منیر احمد زوی محمد ګل په نوم شوې ده، چې د افغانستان د ننګرهار ولایت اوسېدونکی و. د سي ټي ډي چارواکي وایي، نوموړی له نومبر 2024 راهیسې د دوی تر څار لاندې و او ګومان کېږي چې له خوست افغانستانه پاکستان ته د ځانمرګي برید لپاره راغلی و

سي ټي ډي زیاتوي چې منیر احمد د نومبر کال 2024 مخ د 23 نېټې، د ایف آی آر نمبر 161 لاندې د ترهګرۍ ضد قانون (ATA) مختلفو مادو له له مخې تورن شوی و، چې د سي ټي ډي پېښور تاڼې کې درج شوی وه

د وژل شوي بل ترهګر پېژندنه چې ویل کېږي د منیر احمد ملګری یا لارښوونکی و، لا هم روانه ده

له سیمې څخه ترلاسه شوي وسلې او چاودېدونکي توکي چی پکې یو سب مشین ګن (SMG) له مرمیو سره، یوه تمانچه او یوه ځانمرګي واسکټ شامل دي، د برید شدت ښيي