روس ۔ يوکرائن جنګ کښې شدت،په ماسکو د يوکرائن ډرون حملې،جنګي الوتکې تباه کولو دعوي

د روس او يوکرائن ترمينځ روان جنګ درې کالو نه زيات وخت شوېدے دواړه ملکونو فوج وخت په وخت په يو بل حملې کوي چې پکښې زرګونو شمير کښې خلکو ته مرګ ژوبله اوړيدلې ده، امريکني صدر ډونلډ ټرمپ لخوا فريقينو ترمينځ جنګ بندې کوششونه اوسه پورې کامياب شويدي۔ او دوه ورځو راهسې په جهګړې کښې نور هم شدت راغلې دے، يوکرائن د ماسکو بشمول د روس په مختلفو سيمو ډرون حملې کړيدي، د يوکرائن صدر زيلنسکي وئيلي دي چې په روس ئې يوسل اوولس ډرون حملې کړېدي چې پکښې جنګي الوتکې په نښه کړې شوي وو او د دې حملو لوجې څلويښت الوتکې تباه کړي شويدي ۔ يوکرائن دې حملو لپاره د سپائډرويب نوم ورکړېدے ۔ د يوکرائن صدر وائي چې خپل دفاع لپاره په روس د حملو تيارې ئې اتلس مياشتو راهسې کولو او د روس د جارحيت جواب ورکولو دا ښه موقع وه ۔ د روس وزارت دفاع په فضائي اډو د يوکرائن ډرون حملو تصديق کړې او وئيلي ئي دي چې دې حملو کښې ځني الوتکو ته نقصان رسيدلې دے ۔ د يوکرائن د حملې په جواب کښې روس هم د يوکرائن په مختلفو سيمو ميزائيلو حملې کړيدي،د حملے نه پس سلامتي کونسل هنګامي اجلاس ته وينا په وخت د روس صدر ولادي مير پوټن وئيلي دي چې د جنګ بندې مذاکراتو دوران د يوکرائن په روس حمله د دوي لويه غلطي وه اوس وخت راغلي دے چې يوکرائن او اتحادي ملکونو ته سخت جواب ورکړو۔ دواړو فريقينو ترمينځ تاؤ تريخوالي کښې د اضافې نه پس د ترکيه استنبول ښار کښې د مذاکراتو بل راونډ کيږي۔ د يوکرائن خارجه وزارت ترجمان وائي چې روس سره د خبرو لپاره د يوکرائن وفد استنبول ته رسيدلي دے