آن لاین ویب نیوز ډیسک
اسلام آباد: د پاکستان وزیراعظم شهباز شریف او فیلډ مارشل عاصم منیر او مرکزي وزیران به نن د شنبه(خالي) په ورځ د کوټې یو ورځنی سفر وکړي. .
په دې سفر کې به د وزیراعظم شهباز شریف سره فیلډ مارشل عاصم منیر او مرکزي وزیران هم ملګري وي، چې په کوټه کې به په یوه مهمه جرګه کې ګډون وکړي. په دغه جرګه کې د بلوچستان والي جعفر خان مندوخېل، وزیراعلی سرفراز بګټي او د صوبې وزیران هم بلل شوي دي.
دا خبره مهمه ده او باید یادونه وشي چې د پاکستان وزیراعظم او د پوځ مشر او فیلډ مارشل په داسې وخت کې د بلوچستان دوره کوي چې وړمه ورځ بلوڅ بیلتون خوښي ډلې چې د هند له لوري ورته ملاتړ حاصل دې په سوراب برید وکړو او د ښار واک ی ترلاسه کړو.
د برید پر مهال د سوراب ایډیشنل کمشنر هدایت بلیدي هم ژوند له لاسه ورکړې دې او د هغوی د مړینې پخلی د بلوچستان حکومت له خوا شوې دې. .
بلوڅ بیلتون خوښو وسلوالو د سوراب ښار د پولیسو تاڼه، د نادرا دفتر، د لیویز دفتر او ګڼ شمېر نورې سرکاري ودانیو ته اور ورکړې دې، بیلتون خوښو یو شمیر سرکاري موټرونو هم سوځولي دي او سرکاري ودانۍ ی ویجاړې کړي دي.
په یاده جرګه کې به د بلوچستان د امن و امان او عمومي وضعيت په اړه خبرې وشي.
دا خبره مهمه ده او باید یادونه وشي چې د جرګې ګډون کوونکي کوم چې د صوبې د اسمبلۍ غړي، قبایلي او سیاسي مشران دي د پاکستان لوړه پوړه چارواکو له لوري به په اعتماد کښې واخستل شي.
ددې خبرې هم باید یادونه وشي چې بلوڅ بیلتون خوښې ډلې ته د هند ملاتړ حاصل دې او د حکومتي چارواکو او د میډیا رپورټونو ترمخه ددې خبرې ثبوتونه شته دې چې ددې ډلې وسله وال د هند حکومت له لوري سپورټ کیږي او ددوی روزنه کیږي چې په بلوچستان کې ترهګري وکړي او په دې صوبه کښې ناامني رامنځ ته کړي.
د پاکستان حکومتي لوړه پوړه چارواکو له لوري وخت په وخت میډیا ته داسې ثبوتونو او بیانونه ورکړل شوي چې ښایی د بلوڅ بیلتون خوښې ډلې ته د هند ملاتړ حاصل دې او دوی په بلوچستان کې ترهګري کوي چې پاکستان څخه خپله صوبه بلوچستان بیله کړي.