کابل – ۱ مې ۲۰۲۵: افغانستان د هند او پاکستان ترمنځ د خبرو اترو غوښتنه کوي، او سرپرست د بهرنیو چارو وزیر امیر خان مطعقي د سوله ییزو حل لارو او سیمه ییزې بې پلوه پالیسۍ ملاتړ وکړ.
په الجزیرې ټلویزیوني مرکه کې، مطعقي ټینګار وکړ چې افغانستان به د سیالو ځواکونو د جګړې ډګر ونه اوسي. هغه د اسلامي امارت د سولې ژمنه بیا تکرار کړه او په پاکستان او هند کې د ټولو تاوتریخوالو پېښو غندنه یې وکړه.
مطلعقي وویل: “د اسلامي امارت پالیسي روښانه ده. موږ تاوتریخوالی غندو، دواړو خواوو ته خواشیني څرګندوو، او د ستونزو د حل لپاره د خبرو ملاتړ کوو.”
هغه وویل چې افغانستان په سیمه ییزو شخړو کې بې پلوه پاتې کېږي او هېوادونه هڅوي چې د سوداګرۍ او ډیپلوماسۍ له لارې مثبت سیالۍ وکړي. مطعقي زیاته کړه چې اسلامي امارت یوه متوازنه او خپلواکه پالیسي تعقیبوي چې چا ته زیان نه رسوي او همکاري وده ورکوي.
د سویلې آسیا د کړکېچونو په اړه، مطعقي وویل افغانستان د سوله ییزې ګډې ودې باور لري او غواړي چې پر متقابل درناوي پراخې اړیکې ولري. هغه ټینګار وکړ چې د هېواد بهرنۍ پالیسي د ثبات د ټینګښت لپاره ده او هڅه کوي چې د ګاونډیو ترمنځ په شخړو کې ښکېل نه شي.
په کابل کې د شاوخوا یوه میاشت مخکې د امریکا د یو پلاوي د وروستي سفر په اړه، مطعقي دا د امریکا-افغانستان اړیکو لپاره د یوې نوې دورې پیل وبلله او هیله یې وښوده چې وخت په وخت به اړیکې پراخې شي.
مطلعقي نړیوالې ټولنې ته هم وغوښتل چې پر افغانستان باندې لګول شوې “ظالمانه” اقتصادي بندیزونه لېرې کړي. هغه وویل چې دا محدودیتونه عادي افغانان سخت ځپلي او باید د اقتصادي بیا رغونې لپاره لېرې شي.
دا څرګندونې د سرپرست بهرنیو چارو وزیر له لوري د افغانستان د هڅو بیا تائید دی چې نړیوال باور بیا جوړ کړي او په سیمه ییزو کړکېچونو کې ښکېلتیا ونه کړي.