د برتانیې لومړي وزیر د منځني ختیځ د روان کړکېچ د کمولو او د سیمې د ثبات لپاره د پاکستان مثبت رول وستایه او د پاکستان له حکومت څخه یې مننه وکړه. هغه د پارلمان په غونډه کې وویل چې د نړیوال امن، په ځانګړي ډول د منځني ختیځ په وضعیت کې، د پاکستان سفارتي هڅې ډېرې مهمې دي
نوموړي زیاته کړه چې تېره جمعه یې له د پاکستان له لومړي وزیر سره مفصلې خبرې کړې وې او ترې یې پوښتنه کړې وه چې برتانیه څنګه کولای شي د مذاکراتو په بریالیتوب او مثبتو پایلو کې مرسته وکړي. هغه ټینګار وکړ چې په اوسنیو حالاتو کې د خبرو ملاتړ اړین دی څو وضعیت نور خراب نه شي
د پاکستاني مشرتابه ستاینه
تر دې وړاندې، د برتانیې د پارلمان یو غړي هم د منځني ختیځ کې د کړکېچ د پای ته رسولو لپاره د پاکستان د مشرتابه د ګډو هڅو ملاتړ وکړ او ویې ویل چې د سولې لپاره د پاکستان دا هڅې په نړیواله کچه ستایل کېږي او نړۍ یې قدرداني کوي