افغانستان؛ له پامه غورځول شوی بحران د بشري ناورین تر سیوري لاندې

یو شمېر تازه نړیوال راپورونه ښيي چې د افغانستان روان بحران یوازې یو بشري ناورین نه، بلکې له ژور امنیتي او سیاسي بې‌ثباتۍ سره تړلی څو اړخیز وضعیت دی.

د راپورونو له مخې، دا مهال له ۲۸ میلیونو څخه زیات افغانان د بشري مرستو اړتیا لري، او میلیونونه کسان د شدیدې لوږې او خوراکي ناامنۍ سره مخ دي. د ملګرو ملتونو ادارو خبرداری ورکړی چې افغانستان د نړۍ له تر ټولو لویو بشري بحرانونو څخه یو ته داخل شوی دی

بانکي نظام محدودیتونه

اقتصادي سقوط، د بانکي نظام محدودیتونه، د نړیوالو مرستو کمښت، او پر ښځو او کارکوونکو لګېدلي محدودیتونه د بحران شدت څو چنده کړی دی د کار نشتوالی او فقر دومره پراخ شوی چې ډېری کورنۍ د ژوند لومړنیو اړتیاوو پوره کولو توان نه لري

بل لور ته، امنیتي وضعیت هم لاهم نازک دی که څه هم جګړه کمه شوې، خو د وسلوالو ډلو فعالیتونه، په ځانګړي ډول د داعش خراسان او نورو ډلو شتون، د هېواد ثبات ته جدي ګواښ بلل کېږي

فغانستان بشري بحران

کارپوهان ټینګار کوي چې د افغانستان بشري بحران له امنیتي وضعیت څخه جلا نه شي ارزول کېدای، ځکه دواړه یو بل سره تړلي دي. هغوی خبرداری ورکوي چې که نړیواله ټولنه دې وضعیت ته جدي پام ونه کړي، نو دا بحران کولی شي د سیمې او نړۍ لپاره پراخې ناامنۍ او کډوالۍ ته لاره هواره کړي

په ورته وخت کې، د طالبان حکومت له نړیوالو د مرستو غوښتنه کوي، خو سیاسي اختلافات او د رسمیت پېژندنې مسئله لا هم د نړیوال تعامل پر وړاندې خنډ ګرځېدلې ده