څیړونکی وایي په خیبر پښتونخوا کې د وسلوالو ډلو د فعالیت او د حملو د پړه منلو په اړه یو ښکاره بدلون لیدل کېږي. هغه ډلې چې تر ډېره یې په سیمه کې د بریدونو مسئولیت پر غاړه اخیسته، اوس یې رسنیز فعالیتونه به غیر معمولي ډول کم شوي، خو په مقابل کې ګڼې نوې او ناپیژندلی شوې ډلې راڅرګندې شوي چې د وروستیو حملو د ترسره کېدو ادعاوې کوي
په تېرو میاشتو کې د ګڼو بریدونو پړه د نویو نومونو تر سیوري لاندې اخیستل شوې، چې پخوا په سیمه کې د تحریک طالبان پاکستان او اتحاد المجاهدین پاکستان تر کنټرول لاندې سیمې وې
د ټي ټي پي اړوند رسنیو چپ پاتی کیدل
د تحریک طالبان پاکستان رسمي رسنیز چینلونه له څو ورځو راهیسې په بشپړه خاموشه شوی دي. د اکتوبر له ۲۷مې وروسته دوی نه د کومې تازه حملې راپور خپور کړی او نه یې د پوځي عملیاتو په اړه معلومات شریک کړي دي
خو د نومبر پر ۲۲مه د “منزل” په نوم یوې خپرونې په لنډ ډول د بنو یو برید ته اشاره وکړه چې په مبهم ډول یې طالبانو ته منسوب کړه. دا د اکتوبر له ۲۷مې وروسته د ټي ټي پي له لوري لومړۍ غیر مستقیمه اشاره وه
د نوو وسلوالو ډلو راټوکېدل
له بلې خوا، د “ضرب مومن” په نوم ټېلېګرام چینل چې د ټي تي بي له کړۍ سره تړاو لري، له اکتوبر ۳۱مې وروسته د نوو او ناپېژندل شویو ډلو په نوم د بریدونو د پړه منلو پیغامونه خپرول پیل کړي. دغو نومونو تر دې وړاندې هېڅ رسنیز بیانونه نه وو ورکړي
نیوی ډلې
په دې نوو ډلو کې دفاعِ قدس ، انصار الجهاد او تحریک لبیک پاکستان فورس شامل دي
شنونکي وايي چې یادې ډلې د خیبر پښتونخوا په بېلابېلو سیمو کې د تازه بریدونو پړه مني. او ددې تر څنګ ترهګریز فعالیتونه زیات شوي دی
همداراز د اکتوبر پر ۲۹مه “اسلامي امارت پروټیکشن فورس” په نوم بله ډله راڅرګنده شوې چې خپل رسنیز چینل یې جوړ کړی دی. دغه ډله د شمالي او جنوبي وزیرستان، ټانک، دیر، پېښور او خیبر په ګډون هغو سیمو کې د بریدونو پړه منلی چې پخوا د ټي ټي پي او اتحاد المجاهدی پاکستان د نفوذ مرکزي سیمې ګڼل کېدې
په خیبر پښتونخوا کې د نوو وسلوالو ډلو څرګندېدل او د پخوانیو فعالو شبکو ناڅاپي غلی کیدل د امنیتي وضعیت په اړه نوې پوښتنې راپورته کوي، او چارواکي وايي چې د دې عمل تر شا د سیمې د ترهګر شبکو د تکتیکي بدلون امکان هم شته.چی د عملیاتو څخه ځان بچ اوساتی او د اولس په نظر کی خپل ځان معصوم څرګند کړي
نورخبرونه
د ټي ټي پي پخوانۍ نایب امیر قاري امجد په باجوړ کې له منځه وړل شوې
ناقانونه ګرځولې شوې ډلې ټي ټي پي په تیراه کې فعالیتونه
افغان خاوره له ټي ټي پي لوري د پاکستان په ضد کارول: نوي ثبوتونه او شواهد مخې ته راغلي