پیښور: د پاکستاني ځواکونو له لوري د خوارجو د داخلیدو هڅه شنډه شوه او د خارجي کمانډر په ګډون ۴ ترهګر ووژل شول، د پاکستان امنیتي ځواکونو د پاک افغان پوله ته څېرمه د خوارجو د یوې ډلې د نفوذ هڅه ناکامه کړې ده
دلته باید یادونه وشی چې قاري امجد مجد د ۲۰۲۲ کال د نومبر په میاشت کې د امریکا د بهرنيو چارو وزارت له لوري د نړیوال ځانګړي ترهګر په توګه نومول شوې و.سرچینې وایی د باجوړ په ډمه ډوله پاکستان چوک سیمه کې د ټي ټي پي دا کمانډر له منځه وړل شوې
د پوځ د عامه اړیکو څانګې له مخې، د امنیتي ځواکونو د څارنې ټیمونو د پاک افغان پوله ته نږدې د خوارجو د یوې ډلې مشکوکه خوځښتونه په وخت وپېژندل او د هغوی ترهګریز فعالیتونو هڅه یې په مؤثر ډول شنډه کړه. د عملیاتو پر مهال د ډلې کمانډر او د ټي ټي پي پخوانۍ نایب امیرامجد عرف مزاحم په ګډون ۴ ترهګر وژل شوي د.
د ترهګرو په ډله کې د لوړې کچې مشر
په اعلامیه کې ویل شوي چې وژل شوو څلور خوارجو کې یو لوړپوړی مشر، امجد عرف مزاحم هم شامل دی نوموړی د ټي تي پي د خوارجو ډلې مشر نور ولي نایب و، او له افغانستانه دننه د پاکستان پر ضد په ګڼو ترهګریزو بریدونو کې ښکېل پاتې شوی و.د آیی ایس پی آر په وینا، وژل شوی ترهګر د فتنۀ الخوارج ډلې د “رهبرۍ شورا” مشر و، چې د هند له لوري یې مالي او استخباراتي ملاتړ کېده
نوموړی د قانون نافذو ادارو لهخوا له اوږدې مودې راهیسې مطلوب و، او د هغه پر سر ۵۰ لکه روپۍ انعام هم ټاکل شوی و.
افغانستان کې ترهګریز پلانونه جوړول
اعلامیه زیاتوي چې د فتنۀ الخوارج مشرتابه په فغانستان کې دننه د پاکستان پر ضد د نفوذ هڅې او ترهګریز بریدونه پلانوي، څو په پاکستان کې د خپلې فعالې شتون تاثر رامنځته کړي.خو د پاکستاني امنیتي ځواکونو د پرلهپسې او اغېزمنو عملیاتو له کبله د دغې ډلې مورال یا حوصله سخته زیانمنه شوې ده
ټي ټي پي د خپل مشر د وژنې تاید کړې
په یوه خپره اعلامیه کې ناقانونه ګرځول شوې ډلې ټي تي پي د وژل شوی نایب امیر مفتي مزاحم د وژنې تاید کړې دې او ویلي دي چې هغه سره د هغه یو مهم ملګرې کمانډر یاسر هم وژل شوې دې
نورخبرونه