هلمند: د افغانستان په هلمند کې د سرچینو په وینا د بي ایل اې مرستیال مشر استاد مرید په نښه شوې او له منځ وړل شوې دې. د ځايي سرچینو په وینا، د پاکستان پوځ پخوانی افسر رحمان ګل چې په استاد مرید مشهور وو ، د افغانستان په هلمند صوبه کې د نامعلومه وسله والو له لوري په ډزو ویشتل او وژل شوې دې.
مرید د پاکستان د پوځ د لانګ کورس ۱۰۹ فارغ او وروسته د بلوچستان د ازادۍ غړی شو. هغه د بشیر زیب نږدې ملګری او د بی ایل اې ډلې د مجید بریدګرو څانګې مشر مرستیال و، چې تر ټولو وژونکې ځانمرګي عملیات کوي . .
د جعفر ایکسپریس بمچاودنې او د چیني وګړو پر ضد بریدونه د هغه په مشرۍ شوي وو. نوموړی له نوشکي او خاران وروسته افغانستان ته وتښتېد او د ایران ـ افغانستان پولې ته نږدې یې د روزنې کمپ چلول، ځايي سرچینې ایچ ټي این ته ویلي چې “هغه په ډزو کې سخت ټپي شو او وروسته یې ساه ورکړه.”
باید یادونه وشی چې استاد مرید مخکې هم د بریدونو هدف ګرځېدلی و. د ۲۰۲۳ د جون پر درېیمه د هرات په یوه عملیاتو کې ټپي شوی و، خو وروسته له روغتونه غایب شوې وو. .
هغه د پېښور پوهنتون فارغ او د پوځ پخوانی افسر و. د مینګل قبیلې سره تړاو درلود او کورنۍ یې په بلوچستان کې سیاسي او پوځي نفوذ درلود.
باید یادونه وشی چې بلوڅ بیلتون خوښه ډله په پاکستان کې غیرقانوني او د امریکا او بریتانیا په ګډون د څو هیوادونو له لوري د ترهګرۍ ډلې به توګه نومول شوې ده.
نورخبرونه
بلوڅ بیلتون خوښو په بلوچستان کې لوړپوړي پاکستاني پوځي افسران شهیدان کړي