د پاکستان په ملګري ملتونو کښې استازي عاصم افتخار په خپل بیان کښې ویلي دي چې د واشنګټن پوسټ د راپور له مخې تر اوسه ۶۰ زره فلسطینیان شهیدان شوي، چې پکې ۱۸ زره ۵۰۰ ماشومان شامل دي. د دغو ماشومانو نومونه او عمرونه هم د امریکایي ورځپاڼې له خوا خپاره شوي دي
نوموړي اوویل چې د اسرایل مشهورې ورځپانړې هارټز هم د غزه روان وضعیت د ۲۱ پیړۍ د ټولو خطرناکه بیلګه بللې ده او لیکلي ی دي چې د سیاسي ګټو لپاره غزه کښې خلک له لوږې وژل کیږي
په ملګرو ملتونو کې د پاکستان دایمي استازي وویل چې د دې حالاتو پایلې ډېرې ویرونکې دي لږ تر لږه ۱۷۵ فلسطینیان ، چې پکې ۹۳ ماشومان شامل دي ، د لوږې له امله شهیدان شوي دي
د ملګرو ملتونو د خوړو او کرنې ادارې عمومي رئیس خبرداری ورکړی چې غزه اوس د بشپړ قحط د غاړې ته رسېدلې ده. هغه ویلي دي چې خلق له لوږې ژوند له لاسه ورکوي، هغه زیاته کړې چې له خلکو خوراک ته لاسرسۍ اخستل شوې دې.
د ملګرو ملتونو لپاره د پاکستان دایمي استازي عاصم افتخار د امنیت شورا نه غوښتنه کړې چې په غزه کې د فلسطینی سخت کړاوونو د پای ته رسولو لپاره دې سمدستي اقدامات وکړې شي
د پاکستان استازي عاصم افتخار دا خبرې د امنیت شورا په هغه ځانګړي ناسته کې وکړې چې د منځني ختیځ د وضعیت په اړه راغوښتل شوې وه
هغه وویل، مونږ ته باید د حالاتو په اړه ادراک وي. دا یواځې مونږ یا د ملګرو ملتونو د عمومي اسمبلۍ غړي نه دي چې دا حالات ګوري یا پرې اندېښمن دي، بلکې ټوله نړۍ دا هر څه د حیرانتیا او اندېښنې په سترګو ویني او ګوري
د پاکستان استازي څرګنده کړه چې د اسراییلو د جګړې تر ټولو زیات زیان عام ولس ته رسېدلی. هېڅ ډول پلمه دا ړندې مرمۍ، د یوې بشپړې ټولنې لوږې ته پرېښودل او بند ولس ته ډلهیزه سزا ورکول نه شي توجیه کولی
هغه زیاته کړه چې دا کړنې نه یوازې اخلاقي پلوه د غندنې وړ دي، بلکې د نړیوالو قوانینو، په ځانګړې توګه د جنیوا کنونشن ښکاره سرغړونې دي او همداراز د نړیوالې محکمې لخوا د ورکړل شویو لازمي احکامو ښکاره خلاف ورزي بلل کېږي