په دې وروستيو کې پاکستاني طالبانو د شپنیو دوربینونو لرونکو سنایپرو په واسطه د مسلسلو بریدونو سربېره، په عملیاتي ډګر کې یو نوی ګواښ راپورته کړی او نږدې هره ورځ د پاکستان حکومت د پوځ او پوليسو په پوستو ډرون بریدونه ترسره کوي.
دې بريدونو د روان ميلادي کال له اپریل میاشتې راوروسته زور اخيستی او پاکستاني طالبان نږدې هره ورځ له ډرون په استفادې بریدونه ترسره کوي.
له بل لوري بيا د پاکستان یو شمېر فعالانو د پاکستاني طالبانو دا نوی ځواک د پاکستان د حکومت پر وړاندې يو خطرناک ګواښ بللی او ټينګار يې کړی، چې حکومت د دې بريدونو مخنيوی نه شي کولای.