په سعودي عربستان او نورو عرب هېوادونو کې نن مسلمانانو د لوی اختر (عیدالاضحیٰ) ورځ په مذهبي جوش او جذبې سره ونمانځله، مسلمانانو د اختر مونځ ادا کړو ، حاجیانو نن ورځ د جمرات ادا کولو پس د څاروو قرباني وکړه.
د اختر د لمونځ تر ټولو سترې غونډه د مسجد الحرام او مسجد نبوي په سپېڅلو جوماتونو کې ترسره شوې او په زرګونو مسلمانانو د اختر مونځ ادا کړو، بل اړخ ته په سعودي عربستان کې د حج مناسک جمرات ادا کوي. .
حجاج به نن د مزدلفې نه منی ته ستون شي، چیرې چې به دوی “لوی شیطان” په کانړو اوولي او بیا به قرباني وکړي، سرونه به وخريي او خپل احرامونه به خلاص کړي . .
د لوی اختر په مناسبت سعودي مشرتابه ته د ګڼ شمېر اسلامي هېوادونو له مشرانو خوا مبارکي ویل کېږي . .
تر دې وړاندې، د زیارت په ورځ (د پنجشنبې په ورځ) له ۱.۶ میلیونه زیات حاجیانو د حج مهم رکن “وقوف عرفه” ادا کړ. په دې موقع ځانګړې د فلسطین د مسلمانانو سره سره د ټولې نړۍ مسلمانانو لپاره ځانګړې دعاګانې وغوښتل شوې. .
د مسجد الحرام امام، شیخ ډاکټر صالح بن عبدالله، دعا وکړه: چې ای الله! زمونږ د فلسطین وروڼه پر دښمنانو بریالي کړې.