د ودي تیراه ملیشیا بریګېډ تر مشرۍ لاندې د بریګېډیئر عمران ارشد په سرپرستۍ کې یو ځل بیا د خیبر ضلعې په لرې پرته سېمه وادي تیراه کې د وړیا طبي کېمپ په ډېر بريالېتوب سره سرته ورسېدو، چې نظارت یې د ۵ بلوچ کمانډر لیفټیننټ کرنل حافظ عاصم رفیق وکړو. د شل تنه متخصصو ډاکټرانو ډلې د ځایي خلکو لپاره وړیا طبي معاینات او دارو درمل هم برابر کړي وو. له دې کېمپ څخه تر ۲۵۰۰ زیات نارینه، ښځو او ماشومانو ګټه واخیسته او دوې ته وړېا دارودرمل ورکړل شول۔
د لرې پرتو سیمو د مشرانو او مېرمنو د اسانتیا لپاره له کورونو څخه تر طبي کېمپ پورې وړیا ټرانسپورت انتظام هم شوی وو۔
دا کېمپ د تیراه ملیشیا او بانو بیګم فاؤنډېشن په ګډو هڅو د سیمې اولس لپاره تابیا شوې وو ۔
ځايي اولس او مشرانو د سېکورېټي فورسز ددې خېر ښېګړې کار ستاینه وکړه ۔
