ډيره اسماعیل کې د ترهګرۍ ضد څانګې د ترهګرو پر ضد عملیات ترسره کړي دي
د سي ډي ټي راپور ترمخه په استخباراتي معلوماتو پولیسو په عملیاتو کې درې ترهګر ووژل
پوليسو وويلي چې دا استخباراتي عمليات د ډيره اسماعيل خان او ټانک سره نزدې په سيمو کې ترسره شول، د پوليسو په وينا، وژل شويو ترهګرو پېژندنه د نعمت الله، عبدالروف افغاني او مصطفی په توګه شوې ده
پوليس وايي چې وژل شوي ترهګر په مستقيم ډول پر پوليسو او امنيتي ځواکونو د بريدونو کې ککړ وو۔د پوليسو له مخې، د وژل شويو ترهګرو له ولکې څخه درې کلاشنکوفونه، نهه مېګزينونه، دوه لاسي بمونه او ګڼ شمېر کارتوسونه ترلاسه شوي دي
همداراز پوليسو ويلي چې د ترهګرو له ولکې څخه هغه دوه کلاشنکوفونه هم برآمد شوي چې په ټانک کې د پولیسو په زغروال موټر برید وروسته ترې تښتول شوي وو
پوليس زياته کړه چې دا عمليات پټ و معلوماتو پر بنسټ د ترهګرو او د هغوی د سهولتکارانو د شتون په اړه ترسره شوي وو او په بریالي توب سره ترسره شو او ترهګر له منځ یوړل شو
نورخبرونه: وزیراعلی خیبر پښتونخوا: د ترهګرۍ پر ضد جنګ کې پولیس سرتیري په لومړۍ کرښه کې دي