د خیبر پښتونخوا د وزیر اعلیٰ علي امین خان ګنډاپور د ځانګړې لارښوونې پر بنسټ، د افغانستان د زلزلې له اغېزمنو سره د مرستې لپاره توکي د تورخم په پوله افغان چارواکو ته وسپارل شول
د لنډي کوتل تحصیل انتظامیه چارواکي او د پي ډي ایم اې چارواکو دا انساني مرستې په تورخم پوله افغان چارواکو ته وسپارلې
دلته باید یادونه وشي چې په دې مرستو کې ۵۰۰ د ژمي لپاره ځانګړي خیمې، ۵۰۰ د کورنیو لپاره لوی خیمې، ۱۰۰۰ ترپال، ۱۵۰۰ کټونه، ۳۰۰۰ بالښتونه، ۱۵۰۰ کمبلې، ۵۰۰ کمپلې شاملې وي.
په دې مرستو کې زلزله ځپلو لپاره د ضروري درملو دوه باروړونکي موټرهم شامل وو
افغان چارواکو،په دې سخت وخت کې د کونړ او ننګرهار زلزله ځپلو لپاره ددې مرستو برابرولو او رالیږلې په خاطر د خیبر پښتونخوا له حکومته په ځانګړي ډول د وزیر اعلیٰ علي امین ګنډاپور څخه مننه وکړه
دلته دا هم مهمه ده چې د زلزلې وروسته د پاکستان د بهرنیو چارو وزیر محسن نقوي افغان بهرنیو چارو وزیر سیراج الدین حقاني سره په ټیلیفون خبرو کې په دې غمجنه پیښه د خواخوږۍ څرګندونه کړې وه او د پاکستان لوري ی ورسره د مرستو ژمنه کړې وه