لکي مروت : د خیبرپښتونخوا د لکي مروت په تاجوري سیمه کې نن د ګل په ورځ پر پولیسو ځانمرګی برید شوی چې په نتیجه کې یو پولیس افسر شهید شوی او پنځه نور ټپیان دي،چارواکو دا پیښه تایید کړی او وایی په سیمه کې د څارنې عملیات پیل کړي دي
د لکي مروت د پولیس ویاند اصف حسن ددی پخلی کړی او وايي ,,ځانمرګي بریدګر د پولیسو پر موبایل موټر خېژولی چې له امله یې زوروره چاودنه رامنځته شوې. هغه وایی چې په برید کې شهید شوی اهلکار د پولیسو هیډ کانسټیبل علاؤالدین دی . د ویاند په خبره، د بریدګر یو بل ملګری له سیمې تښتېدلی او امنیتي ځواکونو د هغه د نیولو لپاره چاپې او لټون پیل کړی دی
په پېښه کې د یو پولیس افسر په شمول پنځه نور کسان ټپیان شوي په دوی کې یو اهلکار اې ایس ایي حق نواز، کانسټیبل یارمحمد، د الیټ فورس کانسټیبل کمال احمد، ایلیټ فورس کانسټیبل نعیم الله، او د ډیوټي فوټ کانسټیبل نصرالله شامل دی
د خیبرپښتونخوا وزیراعلی سهیل افریدي په سختو ټکو برید غندلی او ویلي یې دي چې د پولیسو قربانۍ به “هیڅکله ضایع نه شي.” هغه زیاته کړه چې صوبایي حکومت د پولیسو تر څنګ ولاړ دی او د امن او قانون ساتنه یې لومړیتوب دی په پاکستان کې څو میاشتو راهسی ترهګر بریدونه زیات شوي او په خصوصی توګه خیبرپښتونخوا او بلوچستان کې د وسلهوالو بریدونه تر ټولو زیات مخی ته راځی چې د ناقانونه ګرځولې شوې ډلې تحریک طالبان پاکستان په ۲۰۲۲ کال کې له حکومت سره اوربند پای ته ورسوه او بیا یې د امنیتي ځواکونو پر ضد حملې اعلان کړې. یوازې تېره اوونۍ په هنګو کې پر یو چیک پوسټ د وسلهوالو برید کې درې پولیس سرتېري شهیدان شوي وو. ددی وړاندی په اسلام اباد او پیښور کی په امنیتی چارواکو هدفي او ځان مرګی بریدونه شوي چې په پایله کې ی ګڼ شمیر سرکاري او عام وګړي شهیدان او ټپي شوي دي