تاریخ ګواه دې چې که یو اړخ ته پاکستان او افغانستان مسلمان ګاونډي هیوادونه دي خو بل اړخ ته دې دو مسلمان ګاونډي هیوادونو اړیکې هم تل د تاوتریخوالي ښکار شوي دي.
په افغانستان کښې د پخواني سوویت یونین، شوروي اتحاد حکومت وو یا د مجاهدینو ، د پاکستان په اړه دې حکومتو تل لانجه من بیانونه او دریځونه خپاره کړي دي چې د نړۍ پام ی راګورځولې دې.
د افغانستان انرژۍ او اوبو وزیر عبدالطیف منصور شمشاد ټي وي سره په مرکه کښې ویلي دي چې په افغانستان کښې د تحریک طالبان پاکستان مرکزونه شتون لري خو دا مرکزونه د اسلامي امارت د حکومت وړاندې موجود وو.
په مرکه کښې منصور وایی چې د افغانستان ګاونډیان په ځانګړي توګه پاکستان نه غواړي چې په افغانستان کښې یو قوي حکومت وي.
منصور په مرکه کښې وایی چې په افغانستان کښې که د هرچا حکومت وي ، که طالبان وي ،که مجاهدین وي او که کمیونسټ، هغه زیاتوي چې پاکستان افغانستان کښې نه غواړي دلته حکومت قوي وي، هغه زیاتوي او ټینګار کوي چې وس مونږ په دې پوهه شوي یو.
منصور وایی چې پاکستان نه غواړي په افغانستان کښې داسې حکومت جوړ شي چې افغانستان په خپو ودریږي. هغه وایی پاکستان ددې ګټه پورته کوي چې په افغانستان کښې مرکزي حکومت جوړ نه شي.
یو شمیر سیاسي کارپوهان وایی چې د افغان وزیر دا بیان د پاکستان او افغانستان په اړیکو بده اغیزه کولې شي ځکه دا بیان په داسې وخت کښې مخې ته راغلې دې چې د پاکستان او افغانستان اړیکې په ښه لور روانې شوي دي.
دلته ددې خبرې باید یادونه وشي چې د پاکستان د بهرنیو چارو وزارت په یو بیان کښې ویل شوي دي چې د پاکستان په اړه د افغان وزیر څرګندونې به له کابل سره راپورته کړي