د پاکستان تاریخ ددې خبرې ګواه دې چې ددې ملک دفاع لپاره په پاک افغان پوله پراته د قبایلي سیمو مشرانو او ځوانانو د خپلو سرونو او مالونو قربانۍ ورکړي دي په ۴څلورمه نیټه ده فرورۍ چې د چهارشنبې ورځ وه، د لنډي کوتل سیمې یو ځوان کیپټن عباس شینواري چې خپله دنده ی په وادي تیراه کې ترسره کوله د ممانړې په چیک پوسټ کې د یو ډرون بمي چاودنې په ترڅ کې شهید شو.
د پاکستان پوځ کیپټن عباس شینواري ،پاک افغان سرحد تورخم سره نزدې د ضلع خیبر په تحصیل لنډي کوتل کې د محمد اسحاق شینواري خوګاخیل ، چې د یوې متوسطې طبقې کورنۍ سره تعلق لري سترګې وغړولې
د محمد اسحاق شینواري ترمخه کیپټن عباس شینواري له تیرو شپږو کالو راهیسي د پاکستان په پوځ کې خپله دنده ترسره کوله او په ډیرو سختو امنیتي حالاتو کې ی په مومندو، وزیرستان او میرانشاه کې هم خپله ذمه واري په ډیره میړانه ترسره کړې وه
د پاکستان پوځ دې شهید سرتیري د پلار ترمخه هغه واده هم نه وو، کړې، پلار ی وویل چې شهید کیپټن عباس به ویل چې کله زه درته اووایم نو بیا به کویدن(کوژده) وکړم.
هغه لومړۍ زده کړې د لنډي کوتل په آرمي پبلک سکول کې کړې وې او د سکول استاذانو ترمخه کیپټن عباس شینواري شهید یو ډیر تکړه ،محنت کوونکې او د ښو اخلاقو خاوند وو که د کیپټن عباس شینواري دې ملک لپاره قربانۍ ته وکتل شي نو دا یوه ډیره لویه قرباني وه ځکه واده نه کول دا معني لری چې هغه غوښتل چې د خپل قام او ملک لپاره کار وکړي
مهمه ده چې یادونه وشی چې لنډي کوتل هغه قبایلي سیمه ده چې په ګنړ شمیر کې د پولیس ځواک، ایف سي ځواک او د پاکستان په پوځ کې دنده ترسره کوونکي په بریدونو کې شهید شوي دي.
دا هم باید یادونه وشی چې د کال ۲۰۲۵ د میی په میاشت کې د پاکستان او هند ترمنځ جنګ کې هم د لنډي کوتل لوی شلمان سیمې یوځوان چې د رینجرز ځواک برخه وو په پنجاب صوبه کې خپل سر د پاکستان دفاع لپاره قرباني کړو
دلته باید یادونه وشی، چې د ضلع خیبر په وادي تیراه کې له څو میاشتو راهیسي امنیتي وضع یو ځل بیا کړکیچنه شوې ده او هم دا ی وجه ده چې امنیتي ځواکونو د صوبایی حکومت سره په مشوره په دې سیمه کې د وسله والو پر ضد د اپریشن کولو پریکړه کړې ده او له دې سیمې څخه د ځایی خلکو نقل مکاني پیل شوې ده.