پېښور : د فېډرل بورډ آف رېونیو ایفبيآر ادارې د ناقانونه سګرېټ جوړولو پر ضد په یوه لوی عملیات کې د خیبر ټوبیکو کمپني له ګودامونو څخه ۲۷ لکه او ۵۰ زره کيلوګرامه خام تمباکو نیولی دی
د ایفبيآر د چارواکو په وینا، پر برآمد شوي خام تمباکو د یو ارب روپیو څخه زیاته ایکسایز ډیوټي واجب ده. ادارې خبرداری ورکړی چې که له دې تمباکو څخه سګرېټ جوړ شي، نو قومي خزانې ته تر ۱۹ اربه روپیو پورې د زیان امکان شته
چارواکي وايي، ټول قانوني مراحل بشپړ شوي، ګودامونه سیل کړل شوي او د پېښې په اړه نوری پلټنی روانی دی
بلخوا، د کارخانی مالکانو د ایفبيآر دا عملیات ناقانوني بللي دي. د کمپنۍ انتظامیې ادعا کړې چې دوی د ټیکس ادا کولو ټول دستاویزی ثبوتونه د رسنیو مخې ته وړاندې کړي دي
د کمپنۍ انتظامیې په وینا، دوی د روان کال په اکتوبر میاشت کې ۲ لکه او ۵۰ زره کيلوګرامه تمباکو ایکسپورټ کړی او دعوه کوي چې د ایکسپورټ پر رسیدونو د ایفبيآر د انسپکټر لاسلیکونه هم موجود دي
انتظامیې دا هم ویلي چې په فابریکه کې د بېلابېلو سرکاري ادارو اهلکار تعینات دي او د فابریکې ټول فعالیتونه د سي سي ټي وي کامرو له لارې څارل کېږي
د فابریکې مالکانو ویلي، ایفبيآر د خام تمباکو پر ټیکس کچه له فی کيلو ۱۰ روپیو څخه ۳۹۰ روپیو ته لوړه کړې، چې پر ضد یې په هایکورټ کې قضیه روانه ده. د هغوی په وینا، د عدالتي احکاماتو له مخې ټیکس په عدالت کې جمع کړل کېږي
انتظامیې خبرداری ورکړی چې دا مبینه ناقانونه کارروایي کولی شي د ایکسپورټ تړونونه اغېزمن کړي، چې له امله به پاکستان ته د اربونو روپیو د ریونیو او زر مبادلې د زیان اندېښنه رامنځته شي. همدارنګه، که فابریکه وتړل شي، نو زرګونه مزدوران د بېروزګارۍ له خطر سره مخ کېدای شي