د افغانستان د اسلامي جمهوریت د بهرنیو چارو وزیر مولوي امیرخان متقي د جماعت اسلامي پاکستان له یو پلاوي سره چې د پروفیسر محمد ابراهیم په مشرۍ پلازمینه کابل ته راغلې وو، لیدنه وکړه. .
بهرنیو چارو وزیر د افغانستان او پاکستان تر منځ د مختلفو کچو د پلاوو تګ راتګ مهم وباله او د دواړو هېوادونو تر منځ مثبتې اړیکې یې د دواړو ولسونو لپاره ګټورې وبللې. مولوي امیرخان متقي په پاکستان کې د جماعت اسلامي ټولنیزې هڅې وستایلې او له دې کبله یې مننه وکړه چې د څو لسیزو لپاره یې د افغان کډوالو مېلمستیا وکړه. هغه په پاکستان کې د دیني جماعتونو رول هم مهم وباله.
پروفیسر محمد ابراهیم او د پلاوي نورو غړو د دواړو هېوادونو د ولسونو تر منځ پر نږدې اړیکو ټینګار وکړ او د طالبانو تر راتګ وروسته په افغانستان کې د رامنځته شویو پرمختګونو ستاینه وکړه.
د پلاوي غړو څرګنده کړه چې د دواړو هېوادونو تر منځ د اړیکو ښه کېدل به د پولې په دواړو اړخونو د خلکو د ژوند په ښه کولو کې مرسته وکړي او هیله یې وښوده چې ستونزو باندې به قابو وموندل شی او ستونزې به د تفاهم له لارې هوارې کړې .
دلته مهمه ده او باید یادونه وشی چې پاکستان له افغانستان څخه بیا بیا ور په ګوته کړې چې په سرحدي سیمو کې د کالعدم تحریک طالبان پاکستان جنګیالي په افغانستان خاوره کې د پاکستان ضد پلانونه تیاروي او بیا په پاکستان کې بریدونه ترسره کوي او له افغان حکومته ی غوښتي چې ددې ترهګرې ډلې په ضد د ګامونه پورته کړي. خو د جماعت اسلامي پاکستان دې پلاوي په اړه داسې راپور او معلومات تراوسه نه دې خپاره شوي چې آیا دوی د کالعدم ټي ټي پي په اړه افغان چارواکو سره خبرې کړي دي او که نه؟
نورخبرونه
هندي چارواکو دعوی کړې چې متقي به په راتلونکي څو میاشتو کې د هند سفر وکړي