پېښور: د ترهګری په ضد ادارې سي ټی ډی په مردان ریجن او نوښار پولیسو د نظامپور په لری پرته غريزه سیمه کې د استخباراتي معلوماتو پر بنسټ ځانګړي عملیات ترسره کړي چې په ترڅ کې د کالعدم ټيټيپي د انتخاب عالم ډلې یو مهم ترهګر وژل شوی دی
د محکمې په وینا سوات ځانګړي ټیم او نوښار پولیسو په نظام پور کې عملیات پیل کړل، خو د سیمې له ننوتلو سره سم وسلهوالو پر پولیسو د خودکارو وسلو ډزې وکړې. چارواکي وايي چې پولیسو د ځان ساتنې لپاره ځوابي ډزې وکړې او جګړه څو دقیقې روانه وه
د سختې نښتې وروسته یو مهم وسلهوال پر ځای ووژل شو، خو د هغه څو ملګري تیښته کې بریالي شول
وژل شوي ترهګر پیژندګلو د حماد ظاهر ولد ظاهر بادشاه په نوم شوې، او چارواکي وايي چې نوموړی د پولیس کانسټېبل مقصود د هدفي وژنې په ګډون په ګڼو ترهګریزو بریدونو کې ککړ و. همدارنګه، هغه د قتل، اقدام قتل، بډو اخیستلو او نورو درنو جرمونو په تور هم مردان او نوښار پولیسو ته مطلوب و
امنیتي ځواکونه وايي چې د سیمې لټون روان دی او د تښتېدلو کسانو د نیولو لپاره پراخ عملیات پیل شوي دي
نورخبرونه: د خیبر پښتونخوا پولیسو په صوبه کې د ترهګریزو پیښو په اړه مهم رپورټ خپور کړې