واشنګټن، ډي سي — د امریکا د امیګریشن او کډوالۍ خدماتو اداری اعلان کړی چې د ۱۹ هغو هېوادوالو ته جاری شوی ګرین کارډونو ته په پراخه کچه بیاکتنه کوی چې افغانستان هم پکې شامل دی.
دا بیاکتنه د “منفي او هېواد-ځانګړو” فکتورونو پر اساس ترسره کیږي چی امنیت پر ځایی اوساتلی شی
د امریکا د کورنیو چارو وزارت د افغان وګړو اړوند کډوالۍ غوښتی په عارضی اودولی چې دایمي اوسېدنې یا نورو امتیازاتو لپاره د اشخاصو د بیا کتنې د پراخې تګلارې نښه ده.
په دغه ۱۹ هېوادونو کی افغانستان، میانمار، برانډي، چاډ، د کانګو ډیموکراتیک جمهوریت، کیوبا، اکوټوریال ګینه، ایریټریا، هائیتي، ایران، لاوس، لیبیا، سیرا لیون، سومالیا، سوډان، توګو، ترکمنستان، وینزویلا، او یمن شامل دی
چارواکي وایي چې بیاکتنه به د دغو هېوادونو ټولو اوسني ګرین کارډ لرونکو ته پیلیږي
په امریکه کی امنیتي پېښې وروسته څارنه
دا پرېکړه وروسته له هغې راغله چې په امریکا کې یو افغان اوسېدونکي پر امریکایي ساتونکو ډزې وکړې، چې یوې ښځینه ساتونکي ته پکې مرګ واوښت. د دې پېښې وروسته، امریکایي چارواکو پر هغو افغانانو او هغو کسانو فشارونه زیات کړي چې د ۲۰۲۱ کال د طالبانو تر واکمنۍ وروسته امریکا ته تللي دي.
دغه پالیسي د ولسمشر ډونالډ ټرمپ د ادارې د کډوالۍ د پیاوړتیا ستراتیژۍ برخه ده، چې د لوړ امنیت او د لوړ خطر لرونکو هېوادونو اتباعو لپاره د سختو ګامونو ټینګار کوي. کارپوهان وایي چې دا بیاکتنه د امریکا په تاریخ کې د اوسېدنې د حقوقو تر ټولو مهمې ارزونې څخه ده او د زرګونو هغو مهاجرو ژوند به اغېزمن کړي چې کلونه یې په امریکا کې تېر کړي دي.
امریکایي حکومت وایي چې دا اقدامات د ملي امنیت د پیاوړتیا لپاره دي، خو د کډوالۍ فعالین خبرداری ورکوي چې دا کار به د ګرین کارډ لرونکو لپاره د وخت ځنډ، قانوني ناپېژندل، او حتی د کارډ لغوه کیدو سبب وګرځي، په ځانګړې توګه د هغو افغانانو لپاره چې په شخړه ځپلو سیمو کې ژوند کړی.
دا پېښه او ورپسې اقدامات د واشنګټن هڅه څرګندوي چې د هغو هېوادونو اتباعو لپاره د کډوالۍ څارنه لا پسې پیاوړې کړي چې لوړ خطر لرونکي ګڼل کېږي، په داسې حال کې چې د بشري حقونو او امنیت تر منځ توازن وساتي