لنډي کوتل: د لنډیکوټل تحصیل په جرګه هال کې د د نړۍ ستر لارښود او عشره رحمت اللعالمین نمانځلو يوه لیوه درنه غونډه او نعتېه مشاعره د عېد مېلادالنبيﷺ او امېر حمزه بابا شېنواري په مناسبت تابیا شوې وه۔دا درنه دستوره د سینیټر ډاکټر نورالحق قادري په ځانګړې لارښوونه راجوړه شوې وه.
دغونډې وروسته صوبایې وزېر محمد عدنان قادري د حمزه بابا د اخري نبي محمد ﷺ سره مېنه او دهغوی ﷺ په درناوي کې دحمزه بابا لېکلي شعرونه وړاندې کړل.
د بشپړ تفصیلاتو ترمخه د ضلعي انتظامیې او د ضلع ځوانانو چارو محکمې تر سیورې لاندې د عشره رحمت للعالمین ﷺ په اړه یوه ستره دستوره په تحصیل لنډیکوټل کې ترسره شوه. .
په دې دستورې کې د خیبرپښتونخوا د اوقاف او مذهبي چارو وزیر محمد عدنان قادري، د لنډیکوټل اسسټنټ کمشنر کیپټن (ر) افراسیاب زبیر هندل، د یوتهه افیئرز افسر ساجد آفریدي او د پښتو ادب یو لوی ستورې او شاعر پروفیسر اباسین یوسفزوی ګډون وکړ،.
په غونډه کې په سلګونو علماوو، شاعرانو، ښوونکو او د بېلابېلو ټولنیز تنظیمونو مشرانو ،ځایی مشرانو او په ګڼ شمیر کې ځوانانو په دې دستوره کې برخه واخیسته. .
په دستوره کې د پښتو ادب شاعرانو د نعت خوانۍ، شعرونو او خپلو ویناګانو له لارې آخري نبي حضرت محمد ﷺ د ژوند او د هغه په لارښوونه رنړا واچوله.
صوبایی وزیر محمد عدنان قادري هم خپله وینا وکړه او آخري نبي حضرت محمد ﷺ ته ی په خپله وینا او د حمزه بابا شعرونو له لارې د عقیدت پیرزوینې وړاندې کړې.
نوموړي اوویل چې حضرت محمد ﷺ د ټولې نړۍ انسانانو او انسانیت یو لوی لارښود دې، ټینګار ی وکړه چې د هغه ژوند زمونږ ټولو لپاره د امن او خوشحالۍ یوه لویه نمونه ده.
د لنډیکوټل اسسټنټ کمشنر کیپټن (ر) افراسیاب زبیر هندل ، پروفیسر اباسین یوسفزي، پروفیسراسیر منګل، ډاکټر کلیم شینواري، ډاکټر تواب شاه شینواري او یو شمیر نورو شاعرانو او مشرانو حضرت محمد ﷺ دې دنیا ته راتګ باندې د شعرونو په ژبه کې رنړا واچوله او د هغه ژوند ی ددې نړۍ او انسانانو لپاره د امن او خوشحالۍ یو وسیله وبلله.
دلته باید یادونه وشی چې د دستورې بنیادي مقصد هم دا وو چې د نبي کریم ﷺ د سیرت طیبه او د هغه لارښوونه په عام اولس کې عامه شي،ترې خبر شي څو خلک خپل شخصي او ټولنیز ژوند په دې اصولو ودروي کوم چې ۱۴ سوه کاله وړاندې ټاکل شوي دي. . د دستورې په پای کې ګډون کوونکو دیني عالمانو، شاعرانو او د پروګرام منتظمینو ته د هغوی د ښه رول لپاره اعزازي شیلډونه ورکړل شول.
