کابل/دوشنبې : د افغانستان طالبا چارواکو مخالفه ډله این ایم ایف په یو استخباراتي رپورټ کی ادعاوې کړی چې د افغانستان او تاجکستان پولې ته نږدې د چینايي کارګرو پر کمپ برید د طالبانو د استخباراتو، تحریک طالبان پاکستان ، ترکستان اسلامي ګوند او د هند د استخباراتو په ګډه همغږۍ ترسره شوی. ازادو سرچینو ددی تصدیق نه دی کړی
دا برید ۲۰۲۵ کال د نومبر ۲۶/۲۷ پر ماښام ترسره شوې وو په دی برید کی درې چینايي وګړي وژل شوي او څو نور ټپیان شوي دي.
د نیشنل موبالایزیشن فرنټ په وینا برید په دوه مرحلو کې ترسره شوی وو
لومړی پړاو کې د چاودېدونکو موادو یا لاسی بمونو ډک ډرون د کارګرو پر کمپ غورځول شوی، دوهم پړاو کې د ډرون برید وروسته وسلهوالو له درنو وسلو لکه کلاشینکوف، دهشکه او ایم۴ رایفلونو څخه ډزې کړي
دا برید د تاجکستان په ختلون ولایت کې د “شاهدین ایس ایم کمپنۍ د کارکوونکو پر کیمپ شوی وو چې د “استقلال ـ یول” سرحدي قطعې ته نږدې دی
این ایم ایف ادعا کوي چې برید د طالبانو د استخباراتو د ۵۶۱ قول اردو په لارښوونه شوي، او په برید کې د ټيټيپي او تاجکستان اسلامي پاړټی وسلهوال ښکېل ول.
په رپورټ کی ویلی شوی په برید کې د ۵۶۱ ریاست قومندان “عبیده”، د ټی آئی پی یو قومندان، او د ټيټيپي قومندان مولوي مخلص شامل وو چې د یوې منظمې قوماندې موجودیت ښيي. دغه ډلو په دی اړه څه نه دي ویلی
په تاجکستان چینایی وګړو د هند رول لوبه
راپور زیاتوي چې د ۲۰۲۵ کال په اوږدو کې د هند استخباراتي چارواکو افغانستان ته پرلپسې سفرونه کړي او د طالبانو، ټيټيپي، ټی ایی پی ، بلوڅ بیلتونپالو (بی ایل ای) او ځینو القاعده قومندانانو سره یې همغږۍ غونډې کړي.
د فرنټ د رپورټ ترمخه دغه وسلوالې ډلې له هند څخه د پرمختللو وسلو، پیسو او تجهیزاتو غوښتنه کړې او د مقابل په ډول یې ژمنه کړې چې د “بهرنیو اهدافو” مطابق عملیات ترسره کوي
ادعاوی کېږي چې هند طالبانو ته ورکړل شوې ډرونونه او د څارنې سیستمونه د ورکول وروسته د طالبانو شبکو د ټيټيپي او بي ایل اې سره هم پلورلي، چې د پاکستان ـ ایران پولې ته نږدې یې کارول پیل کړي دي
تاجکستان کې برید او چین ته خبردارې او ګواښ
نیشنل موبالایزیشن فرنټ د راپور په پای کې د چین حکومت ته خبرداری ورکړی چې په افغانستان کې، په ځانګړي ډول پولې ته نږدې سیمه کې د دوی وګړي د جدي امنیتي ګواښ لاندې دي ، دغه ډله له بیجینګ غواړي چې سمدستي او بیړنۍ اقدامات وکړي ترڅو په افغانستان کې د خپلو وګړو خوندیتوب یقیني کړي.
دا ټولې ادعاوې د نیشنل موبالایزیشن فرنټ له لوري شوې دي، چې د طالبانو د حکومت مخالفه ډله ده، او تر اوسه ددې پيښې نړیوالو امنیتي ادارو یا حکومتونو خپلواکه ادارو تایید نه دی کړې