اسلاماباد : نړیوالې مجلې دي ډیپلومیټ په خپل تازه راپور کې ویلي، چې د اغېزمنې او فعاله سفارتکارۍ له برکته پاکستان په سیمه کې د پام وړ هېواد ګرځېدلی دی.
د راپور له مخې، چین د پاکستان د زیاتېدونکي سیمهییز نفوذ او غوره ډیپلوماتیکو هڅو په ښکاره ډول ستاینه کړې ده.
راپور زیاتوي، چې د پاکستان حکومت، دولتي ادارې او ولس پر ملي مسایلو یو شان، روښانه او بېابهامه دریځ لري، چې همدې همغږۍ ته په نړیواله کچه مثبت غبرګون ښودل شوی دی
د مجلې په وینا، همدغه اغېزمنه سفارتکاري ده چې پاکستان یې د سیمې د مرکزِ توجه په توګه مطرح کړی دی.
دي ډیپلومیټ لیکي، چین پاکستان یو اقتصادي پیاوړی هېواد بولي، چې نه یوازې د خپلو پولو دننه بلکې له سرحدونو بهر هم مهم او اغېزمن رول لوبولی شي. راپور کې دا هم ویل شوي، چې له امریکا سره د ښو اړیکو تر څنګ، د پاکستان او چین دوستي په سمه او مثبت لوري روانه ده. د راپور له مخې، چین د پاکستان د نړیوالو او سیمهییزو چارو په اړه مهم رول ته دوامداره ملاتړ څرګند کړی او دا اړیکې د دواړو هېوادونو لپاره ستراتیژیک ارزښت لري