د کراچۍ پولیسو د یوې پټې اطلاع پر اساس عملیات ترسره کړي او د بندر (کوسټل بیلټ) له لارې کراچۍ ته روانه یوه بس څخه یې یوه کم عمره نجلۍ په خوندي ډول ژغورلې ده، او د ترهګرۍ یو لوی پلان یې ناکام کړی دی. د لومړنیو څېړنو له مخې، د بندیز لاندې ډلې “بي ایل اې” کسان دا نجلۍ د ځانمرګي برید لپاره چمتو کول. د پولیسو دغه پر وخت اقدام هغه شبکه رسوا کړه چې بېګناه او غریبې بلوچي نجونې د ریاست پر ضد کاروي.
د ټولنیزو رسنیو له لارې ذهني جوړونه
څېړنو ښودلې چې د دې کم عمره نجلۍ د ذهن جوړونې لپاره انسټاګرام او واټس اپ ګروپونه کارول کېدل. ترهګرو هغې ته د شاري بلوچ، سمیه کلندراني او مهرنګ بلوچ تبلیغاتي ویډیوګانې ښودلې او ځانمرګي بریدونه یې “سترې قربانۍ” په توګه ورښودلي. دا شبکه په منظم ډول ډیجیټل پلیټفارمونه کاروي او بلوچي ځوانان، په ځانګړي ډول ښځې، په فکري جال کې راګیر کوي.
د مشرتابه تضادونه
په تاریخي لحاظ، په ۲۰۲۲ کې بي ایل اې شاري بلوچ د کراچۍ پوهنتون د ځانمرګي برید لپاره کارولې وه، او له هغې وروسته عادله بلوچ، ماهل، ګنجاتون او زرینه رفیع هم د همدې پالیسي ښکار شوي دي. خو په دې شبکه کې لوی تضاد دا دی چې ځینې مشران خپله خوندي ژوند لري. عایشه اسلم (د وژل شوي قوماندان اسلم بلوچ لور) له بهر څخه فنډونه او پروپیګنډه چلوي، خو هېڅکله یې خپله کورنۍ د دې “قربانۍ” لپاره نه ده وړاندې کړې. همدارنګه فریده عرف پری هم له بهر څخه غریبې نجونې هڅوي، خو خپل ماشومان خوندي ژوند لري
ولې خپلې لوڼې نه؟
دا حالت د بلوچي ټولنې او پوهانو لپاره مهمه پوښتنه راپورته کوي: که ځانمرګي بریدونه دومره لویه قرباني وي، نو ولې دا ډلې خپلې لوڼې نه استوي؟ حقیقت دا دی چې دا ډلې ښځې یوازې د دې لپاره کاروي چې په امنیتي پوستو کې د ښځو تلاشي نرمه وي او له همدې لارې خپلې موخې پټې وساتي
د ملي عزم اړتیا
د پاکستان ریاست او امنیتي ادارې د دې ګډې جګړې پر ضد په هره کچه فعال دي. د کراچۍ پولیسو دا عملیات ثبوت دی چې د ترهګرو شبکو څارنه روانه ده. کارپوهان وایي والدین باید د خپلو ماشومانو د سوشل میډیا فعالیتونه وڅاري او د ترهګرۍ د تبلیغاتو پر ضد عامه پوهاوی زیات کړي، څو نورې بېګناه نجونې د دې شبکو ښکار نه شي
طالبانو ۱۹ ولایتونو والیان، مرستیالان او پولیس مشران بدل کړل