د خیبر پښتونخوا په باجوړ ولسوالۍ کې د امنیتي ځواکونو په وروستي عملیاتو کې وژل شوي د “فتنۀ الخوارج” ډلې ترهګر عزتالله په اړه نوي او جنجالي معلومات مخې ته راغلي دي. راپورونه وایي چې دغه افغان ترهګر یوازې د ټيټيپي یو مهم غړی نه و، بلکې د افغانستان له یوه اغېزمن مذهبي او سیاسي کورنۍ سره یې هم تړاو درلود
کورنی پسمنظر او د افغان طالبانو اړیکې
د “ایکس” (پخواني ټویټر) په “محاذ” نومي اکاونټ د خپرو شویو معلوماتو له مخې، عزتالله د شیخ الحدیث مولانا محمد صدیق وراره و. ویل کېږي چې مولانا محمد صدیق د افغان طالبانو په پخواني حکومت کې د “شهیدانو مرستیال وزیر” په توګه دنده ترسره کړې او وروسته یې په لوګر ولایت کې د لوړو زدهکړو د ریاست مسؤلیت هم لرلی دی. راپور زیاتوي چې نوموړی په ۱۱ مارچ ۲۰۲۶ کې وفات شوی دی
د کورنۍ نور غړي
همدارنګه ویل کېږي چې د عزتالله پلار مولانا محمد صادق اخوندزاده په لوګر ولایت کې یو پېژندل شوی دیني عالم دی. د داسې یوې دیني کورنۍ د غړي د ترهګرۍ په فعالیتونو کې ښکېلتیا د دې اندېښنو لامل ګرځېدلې چې ښایي د ټيټيپي لپاره له اغېزمنو حلقو ملاتړ موجود وي
د امنیتي کارپوهانو نظر
دفاعي شنونکي دا پېښه د پاکستان پر ضد د روانې “پراکسي جګړې” څرګند ثبوت بولي. د هغوی په وینا، له پولې هاخوا د اغېزمنو کورنیو غړي چې د ترهګریزو بریدونو په پېښو کې وژل کېږي، دا ښيي چې ترهګرې ډلې ته نه یوازې خوندي ځایونه بلکې بشري سرچینې هم له سرحد هاخوا برابرېږي