لاهور – دردناکه پېښه
په لاهور اچهره کې د مور له لوري د درې معصومو ماشومانو د وژنې په قضیه کې نوې حیرانوونکې پرمختګونه مخې ته راغلي دي تورنې ردا د پلټنو پر مهال خپل جرم منلی او ویلي یې دي چې ماشومانو سره د لوبې په بهیر کې یې یو په بل پسې ووژل—لومړی یې یو نیم کلنه لور پر بستر ووژله، بیا یې د زوی د غاړې رګ پرې کړ او په پای کې یې مشره لور هم ووژله
د پېښې وروسته کړنې
د دې وحشتناکې پېښې وروسته، تورنې په ارام ډول وینې ککړ کالي بدل کړل، یوه چاقو یې ومینځله او پخلنځي کې کېښوده، کور یې وتاړه او بهر ولاړه. پولیسو له ځایه دوه چاقوګانې ترلاسه کړي دي
د دویم واده پلان
پلټنو کې څرګنده شوې چې تورنه غوښتل له خپل مېړه رمضان څخه طلاق واخلي او د جھنګ اوسېدونکي شهریار سره واده وکړي. د دواړو ترمنځ د ۷۴۶ ټیلیفوني اړیکو او مالي راکړې ورکړې ریکارډ هم موندل شوی، او د هغې په نظر ماشومان د دویم واده تر ټولو لوی خنډ وو
تورونه او حقیقت
که څه هم تورنې پر خپل مېړه تور پورې کړی چې هغه به یې له نورو سړیو سره خبرو ته مجبوروله، خو پولیس وایي چې هغې په پیل کې هڅه کړې وه دا پېښه پر خپلو خسرګنۍ واچوي، خو دا هڅه ناکامه شوه
نیول کېدل او پلټنې
ویډیويي شواهد ښيي چې تورنه د نیول کېدو پر مهال ډاډمنه وه او د وینې ټیټ فشار پلمه یې کوله. هغې دا هم ویلي چې که طلاق واخلي، نو د هغې خپلوان ماشومان نه ساتي، له همدې امله یې دا کار وکړ. محکمه تورنه د پنځو ورځو لپاره پولیسو ته سپارلې او نورې پلټنې د سي سي ډي ته ورکړل شوې دي