د قامي امن پیغام کمېټۍ مشرانو د پاکستان د پوځ د عامه اړیکو څانګې مشر ،ډي جي آیی ایس پي آر سره د ملي بیانیې د پیاوړتیا لپاره د بشپړې همکارۍ ژمنه کړې ده۔
نن د نهې په ورځ د آیی ایس پي ار عمومي مشر لیفټننټ جنرال احمد شریف چودري سره د قامي امن پیغام کمېټې پلاوي د عمومي قومندانۍ په مرکز جي ایچ کیو کې ملاقات وکړو
د آیی ایس پي آر لوري خپور بیان ترمخه په دې ناسته کې د فتنه الخوارج په نوم د کالعدم تحریک طالبان پاکستان او تحریک طالبان افغانستان په تناظر کې د کورني امنیت پر وضعیت هر اړخیز بحث وشو او په دې مهمه لیدنه کې د دواړو لوري دا ګډ دریځ لا پیاوړی شو
همدارنګه، په دې ملاقات کې د کشمیر او غزې په اړه د پاکستان اصولي دریځ هم بیا تائید وشو
لیفټننټ جنرال احمد شریف چودري وویل چې د ملي امنیت په چارو کې یووالی او پر بیانیه اتفاق د وخت مهمه اړتیا ده، او د مظلومو ملاتړ د پاکستان اخلاقي ذمه واري ده
په ملاقات کې د ملي بیانیې د ودې لپاره د بشپړې همکارۍ ډاډ ورکړل شو او د پاکستاني دفاعي ځواکونو سره د نه ماتېدونکې یووالي څرګندونه وشوه، همدارنګه د ریاست ضد بیانیی پر ضد د ګډ عزم بشپړه څرګندونه هم وشوه
د ملي پیغام د سولې کمېټۍ مشرانو د فتنه الخوارج او افغان طالبانو غندنه وکړه او ویې ویل چې ترهګري هېڅ ډول جواز نه لري
د قامي امن پیغام کمیټۍ اعلان وکړ چې د منبر او محراب له لارې به د امت د یووالي، ټولنیزې همغږۍ او اساسي قانوني یووالي پیغام به په ټول هېواد کې خپروي، او د کرکې، فرقهواریتوب او تکفیري بیانیې پر ضد به د زیرو ټالرنس پالیسي خپلولو باندې راضي شو
د امن پیغام کمیټۍ د ریاست بیانیی ته وده ورکولو لپاره په جوماتونو، مدرسو او پوهنتونونو کې د پوهاوي ناستو د زیاتولو وړاندیز هم وکړو ترڅو د ریاست دریځ نور هم عام اولس ته روښانه شي او د ریاسته بیانیه قوي شي
د ډی جي آیی ایس پي ار په وینا، د دښمن د رواني جګړې پر وړاندې عامه پوهاوی او پر حقیقت ولاړ بیانیه تر ټولو پرېکنده وسله ده
هغه وویل چې دا مهمه لیدنه یو غیرمعمولي ګټور وبلل شو او د باور او عملي همکارۍ په نوو لارو کې د پرمختګ هیله څرګنده شوه