د خیبر پښتونخوا د موسمي بدلون، ځنګلاتو، ماحولیاتو او ځنګلي حیات محکمه وایی د هيماليايي ګورل لومړنی باقاعده، ضابطه شوي او غیر صادرېدونکي ټرافي ښکار په تورغر ولسوالۍ کې د حسن زئی په سیمه کې ترسره شوی چی یو امریکایي ښکارچی ډیرون جیمز ملن هم پکی برخه اخستی ده
د اداری په وینا دغه تاریخي اقدام د ۲۰۲۵–۲۶ هيماليايي ګورل ټرافي ښکار نوښت عملي پیل دی، چې د خیبر پښتونخوا د وائلډ لایف او بایوډایورسټي بورډ د څلورمې غونډې په فبروري ۲۰۲۵ کې منظور شوی وو
دغه پروګرام د ساینسي اصولو، د نفوس منظمه څارنه او د پایداره ښکار محدودیتونو پر بنسټ ترسره کیږی چې هره پرېکړه د معلوماتو او د چاپېریال د توازن په رڼا کې کیږي
ددی مقصد یوازې ښکار نه دی، بلکې ماحول او ځنګلی ځناورو تحفظ یو مؤثر او درنه وسیله ده چې نایاب ځنګلي حیات ته ګواښ نه بلکې د مقامي خلکو لپاره ارزښتمنه شتمني برابروي
د پروګرام له مخې، د مقامي خلکو همکاري لازمي ده، او د ټرافي ښکار عاید ۸۰٪ د کنزرویشن کمیټې په ګډ حساب کې جمع کیږي
دغه مالي سرچینې ځناورو د استوګنې د خوندي کولو، غیر قانوني ښکار مخنیوي، د مقامي څارنې سیستم او د روزګار فرصتونو د ښه کولو لپاره وکارول شي، ترڅو د هيماليايي ګورل په څېر نایاب او حساس حیواناتو بقا یقیني کړي شی
په نړیواله کچه، شفاف، ساینسي او د مقامي ګټو سره سم ټرافي ښکار د یوې مؤثرې حفاظتي ستراتیژۍ په توګه منل شوی. او په تورغر کې دغه ماډل د انسان او ځنګلي حیات ترمنځ همغږي پیاوړې کوي، د غیر قانوني ښکار فشار کموي او د ماحول تحفظ یوه ګډه مسؤلیت ګرځوي، چېرته چې حفاظت جبر نه بلکې شراکت دې.
دغه لومړی بریالی ټرافي ښکار د خیبر پښتونخوا په ځنګلي حیات کې د یوې نوې دورې نښه ده، چیرې چې پرېکړې د ساینسي پوهې، تحفظ، او د پایداره قانوني او اخلاقي کارونې سره تړلې
