په کندهار کی ځایی سرچینو د شنبې په ورځ تایید کړی چې د کجکي بند څخه کندهار او هلمند ولایتونو ته د برېښنا رسونه د اوبو د سخت کمښت له امله په بشپړ ډول درول شوې ده چی له وجی دغه سیمې په تیاره کې بدلې شوې او کارخانو د نمر د بجلۍ انتظام کولی شی
د سرچینی وایی د هلمند ولایت کجکي بند کې د اوبو د کچې ټیټېدو د برېښنا د پیداوار ټربایینونه اودرولی دی چې له امله یې له نن ورځې څخه دواړو ولایتونو ته د برېښنا لېږد په بشپړ ډول بند شوې دې
چارواکو خبرداری ورکړی چې که د اوبو کچه بېرته لوړه نه شي، دا وضعیت ښايي د نامعلومې مودې لپاره دوام وکړي
سرچینو ایچ ټي این ته ویلي چې دا مهال په بند کې دومره اوبه نشته چې د برېښنا تولید ته دوام ورکړل شي، او دا ستونزه تر ډېره د افغانستان په سوېلي ولایتونو کې د اوږدمهالې وچکالۍ پایله ده
په همدې حال کې، د کندهار د برېښنا د وېش ادارې یوه چارواکي ویلي چې د برېښنا د بندېدو وروسته به د کندهار صنعتي پارک ته یوازې په محدود او نوبتي ډول د سولري او ډیزلي جنریټرو له لارې برېښنا برابره شي
روانې وچکالۍ د کجکي بند د برېښنا د تولید وړتیا په پراخه کچه زیانمنه کړې او په سیمه کې یې د برېښنا پر موجودیت سخت اغېز کړی دی.
د یادونې وړ ده چې نږدې دوه میاشتې وړاندې د کندهار د برېښنا شرکت هم خبرداری ورکړی و چې د اوبو د کمښت له امله به پر کندهار او هلمند ولایتونو د برېښنا رسونه محدوده کړي
پوهان یری څرګندوی چې د برېښنا کمښت به پر کورنیو، سوداګریزو فعالیتونو او صنعتونو منفي اغېز ولري او د وچکالۍ ځپلو ولایتونو اقتصادي ستونزې به لا زیاتې کړي
