د روس په سر ښار ماسکو کې دولتي رسنيو د راپور ورکړی چې د دسمبر ۲۳ ناوخته په ماسکو کې يوه مشکوک ځانمرګي بريدګر چاودېدونکی توکي والوزول، چې له امله يې درې کسان ووژل شول، په وژل شوی کسانو کی دوه د ټرافيک پوليس افسران هم شامل دي
د روسيې د دولتي خبري ایجنسئ د معلوماتو له مخې، دا پېښه د دسمبر ۲۳ او ۲۴ تر منځ شپه د ييلتسکایا کوڅې کې هغه وخت رامنځته شوه کله چې دوه د ټرافيک پوليس افسرانو يو مشکوک کس وليد چې د يوې خدمتي موټر ته نږدې ولاړ و او د پوښتنو لپاره يې د نيولو هڅه وکړه
معلومات ښیې کله چی پوليس ورنږدې شول، ياد کس چاودېدونکی موادو ته چاودنه ورکړه چې له امله يې زوروره چاودنه وشوه. دواړه پوليس افسران په ځای ووژل شول، او بريدګر هم په پېښه کې ووژل شوې
د درېيم وژل شوي کس راپور هم ورکړل شوی، خو د نورو احتمالي ټپيانو په اړه سمدستي معلومات نه دي خپاره شوي
د بېړنيو خدماتو ټيمونو او قانون پلي کوونکو ادارو ژر تر ژره سيمه کلابنده کړه او پلټنې يې هم پيل کړې
چارواکو د جنايي څېړنو د پيل اعلان کړی او هڅه کوي چې د بريدګر هويت، د کارول شوي چاودېدونکي موادو ډول، او دا چې ايا دا پېښه له کومې منظمې وسله والې ډلې سره تړاو لري که نه، پلټنی روانی دي
له چاودنې وروسته په سيمه کې امنيتي تدابير سخت کړل شول، او چارواکو وويل چې د پلټنو له پرمختګ سره به نور معلومات هم خپاره شي