نن په ايشياکپ کښې ټي ټوئنټې ټائيټل ګټو لپاره دواړه روايتي حريفان هند او پاکستان ترمينځ مقابله ده کومه چې د کرکټ د سيالو د ټولو لويه مقابله هم ګڼلې شي،۲۸ زره د کرکټ مينه وال په دوبئې سټيډيم کښې نيغ په نيغه او دغه رنګ د لکونو خلک د ټي وي او موبائيل په شيشه د دې سيالۍ نه خوندونه پورته کوي ۔ د ټورنمنټ د منتظمينو ترمخه د ميچ لپاره ټول سيټونه د وړاندې څخه بک شوي وو او تماش بينو ته هدايت شوې وو چې د ميچ د شورو کيدو نه درې ګهنټې مخکښې دې ګراونډ ته راشي ۔ د ټورنمنټ په ابتدائي مرحله او بيا سپر فور مرحله کښې د هند خلاف ميچونه بائيللو سره پاکستاني ټيم د نفسياتي دباؤ ښکار دے خو د ټيم کپتان سلمان علي آغا او هيډ کوچ مائيک هيسن وائي چې دغه ميچونه بائيللو کښې د لوبغاړو نه غلطۍ شوې وې ولې فائنل کښې به دغه غلطۍ نه تکراره وو او قام به نه مايوسه کوؤ ۔ دلته د دې خبرې ياد دهاني کول ضروري دي چې پاکستان د دې ټورنمنټ کوربه دے خو د مئي واقعاتو نه پس پيدا شوي تاؤ تريخوالي لوجې هند حکومت کرکټ ټيم پاکستان ته د ليږلو نه انکار کړې وو چې لوجې ئې ايشين کرکټ کونسل دا ميچونه دوبئې او ابوظهبۍ ته منتقل کړي وو، په دې ټورنمنټ کښې اته ټيمونو برخه اخستې وه کوم چې اے او بي ګروپ کښې تقسيم کړي شوي وو، په ګروپ اے کښې پاکستان،هند،متحده عرب امارات ټيمونه شامل وو او په دوئم ګروپ کښې سري لنکا،بنګله ديش ،افغانستان او هانګ کانګ ټيمونه ترمينځ ميچونه شوي وو۔ د دې ټورنمنټ ميچونه ۹ ستمبر نه شورو شوي وو او په مجموعي توګه دې فائنل ميچ سره اتويشت ميچونه شوي وو۔ فائنل ميچ ګټونکې ټيم له به د ټرافۍ نه علاوه خواؤ شا درې لکه ډالر انعام ورکولې شي ۔ په دوئم نمبر راغلې ټيم ته به يونيم لک ډالر او د ټورنمنټ غوره ګرځولي شوي لوبغاړي ته به دولس نيم لکه روپۍ ملاؤيږي ۔ د مخالف حريف نه د تير ميچونو بدل اخستو او ايشيا کپ ټائيټل پاکستان ته راوړلو لپاره پاکستاني لوبغاړو خصوصي تيارۍ کړېده او دوه ورځې ئې د باولنګ،بيټنګ او فيلډنګ پريکټس کړي وو۔ دواړه ټيمونه ۴۱ کاله پس ايشيا کپ په فائنل کښې يو بل ته مخامخ دي ۔
نور خبرونه