په متحده عرب اماراتو کې جاري د کرکټ په درې اړخیزه شل اوریزه سیالۍ پایلوبه کې، د محمد نواز د تباهکوونکې توپ اچونې له امله پاکستان افغانستان ته په ۷۵ منډو ماتې ورکړه او فاینل لوبه ی وګټله. .
یاده پایلوبه په شارجه کې ترسره شوه، چې پکې پاکستان د پچه ګټلو وروسته د لومړي توپ وهنې پرېکړه وکړه. پاکستان په ۲۰ اورونو کې د ۸ ویکټو په زیان ۱۴۱ منډې جوړې کړې. د پاکستان له لوري فخر زمان ۲۷، محمد نواز ۲۵ او سلمان اغا ۲۴ منډې وکړې.
مهمه ده چې یادونه وشي چې د افغانستان له لوري راشد خان درې، نور احمد او فضلالحق فاروقي دوه ـ دوه د پاکستان توپ وهونکي وسوځول. .
د ۱۴۲ منډو هدف په ځواب کې افغان لوبډله د محمد نواز د ښه توپ اچونې له امله په ۱۵ اعشاریه ۵ اورونو کې ټولټال په ۶۶ منډو وسوځېدل .
د ټي ټونټۍ په دې سیالیو کې د پاکستان توچ اچونکې محمد نواز د پایلوبې غوره لوبغاړی وګرځېد، هغه نه یوازې هټریک،یعني درې لوبغاړي په پرله پسې توپ اچوونه وسوځول بلکې په ۴ اورونو کې یوازې د ۱۹ منډو په ورکولو یې ټول ۵ لوبغاړي وسوځول. نواز خپله هټریک په دوو اورونو کې بشپړه کړه، د شپږم اور په پنځمه او شپږمه توپونو یې دوه ویکټې واخیستې او بیا د اتم اور په لومړۍ توپ یې درېیمه ویکټ هم ترلاسه کړه . د پاکستان ټیم توپ اچوونکو د نواز ترڅنګ سفیان مقیم او محمد ابرار دوه ـ دوه ویکټې، او شاهین افریدي یوه ویکټ ترلاسه کړه.
د لته مهمه ده او باید چې یادونه وشي چې د افغانستان له لوري لوبډلمشر راشد خان د ۱۷ منډو په جوړولو غوره توپ وهونکی وګرځول شو.
دلته ددې خبرې هم باید یادونه وشي چې په ټول هیواد او بیا په ځانګړي ډول خیبر پښتونخوا کې د کرکټ مینه والو د پاکستان او افغانستان د کرکټ لوبې څخه خوند واخستلو.
