پاکستان کابل ته سخت پیغام ورکړې دې

اسلام اباد: پاکستان د افغانستان سفیر سردار احمد شکیب  راغوښتې او خپل احتجاج ی ورته ریکارډ کړې، پاکستان د ط ا ل ب ا ن و  له حکومت څخه غوښتنه کړې چې له تحریک طالبان پاکستان (ټي ټي پي) څخه لرې پاتې شي ځکه دا ډلې په پاکستان کې ناامنۍ ته هوار ورکوي.

 پاکستاني چارواکو افغان چارواکو ته ددوی په هیواد افغانستان کې  د ټي ټي پي او د هندوستان د استخباراتي ادارې “را” د شتون په اړه سخت ته سخت پیغام ورکړې دې.

په داسې وخت کې چې اسلام آباد لوري کابل ته د ټي ټي پي  او هند را چې د ټي ټي پي ملاتړ کوي، سخت پیغام ورکړې ،  د افغانستان لپاره د پاکستان ځانګړی استازی محمد صادق خان له متحده عربي اماراتو څخه بېرته خپل هیواد ته راستون  شوی دی.

باید یادونه وشي چې محمد صادق  متحده عرب اماراتو ته د افغانستان په اړه په یوه غیر اعلان شوي مشن  تللی و او هلته ی مهمو چارواکو سره لیدنې کړي دي.  نوموړی به د خپلې سفر او فعالیتونو په اړه خپل راپور  وزیراعظم شهباز شریف ته وړاندې کوي.  تمه کېږي چې هغه به همدا اونۍ د لوړو چارواکو د یوې پلاوي مشري پر غاړه واخلي او کابل ته به هم ولاړ شي.

د سفارت اړوند لوپوړه سرچینو ترمخه د افغانستان سرپرست سفیر سردار احمد شکیب د پاکستان د بهرنیو چارو وزارت ته راغوښتل شوی و او  د بهرنیو چارو اضافي سیکرټري سید علي اسد ګیلاني په پاکستان کې د ط ا ل ب ا نو استازې ته د پاکستان دا مهم خبردارۍ او پیغام ور رسولې دې.

دلته مهمه ده او باید یادونه وشي چې د پاکستان د بهرنیو چارو وزارت افغان سفیر د خوارجو د فتنې  او ترهګرې ډلې ټي ټي پي  د وروستیو زیاتېدونکو فعالیتونو له امله راغوښتنې وو. . یاد ترهګر د افغانستان په خاوره کې پناه اخیستې  او د هند د استخباراتي ادارې “را” له خوا ورته بشپړه مالي مرسته او ملاتړ برابریږي .

نور خبرونه

د پاکستان او افغانستان اړیکو کې مثبت پرمختګ

عربي هیوادونو او ترکي په پاکستان کې د ټي ټي پي بریدونه غندلي دي