په پاک افغان پوله تورخم د لنډي کوتل سیمې یو مشهور او تکړه سماجي او کاروباري شخصیت قاري نظیم ګل شینواري په یو بیان کې ویلي دي چې دوی د کونړ د زلزلې له اغېزمنو سره ولاړ دي او په دې غم کې ورسره شریک دي او دوی سره د خواشینې څرګندونه کوي
هغه وویل، د افغانستان د اسلامي امارت له حکومت او ولس سره د دې لوی قدرتي ناورین له امله رسیدلې مالي او ځاني زیان کې برابر شریک یو۔
نوموړي زیاته کړه چې افغانان زموږ وروڼه دي او موږ به یې هېڅکله په سختو شېبو کې بیل پرینږدو
قاري نظیم ګل شینواري له اړوندو حکومتي ادارو غوښتنه وکړه چې د تورخم په پوله دې د کونړ او ننګرهار له اغېزمنو لپاره ځانګړې اسانتیاوې ورکړل شي او د دوی لپاره دې په بارډر ځانګړی بیړنی طبي مرکز جوړ شي چې د کونړ او ننګرهار زلزله متاثرینو لپاره د علاج اسانتیاوې ورکړي