جېلم پولیسو دیني عالم او ویناوال انجنیر محمد علي مرزا نیولی دی او د عامه نظم ساتلو، د درېیمې مادې قاون،۳ ایم پی او له مخې یې د ۳۰ ورځو لپاره نظر بند کړې
چارواکي وايي، دغه ګام د هغه له وروستیو څرګندونو وروسته پورته شوی چې د مذهبي ډلو پراخه نیوکې یې راوپارولې. د هغه اکاډمي چې په ماشین محله کې موقعیت لري هم تړل شوې څو هلته غونډې او فعالیتونه محدود شي
د مرزا پر ضد د پاکستان د جزا قانون د ۲۹۵-سي مادې لاندې، چې د سپکاوي قانون سره
تړاو لري ، تردې قانون لاندې د هغه په ضد ایف آیی آر درج شوې،
همدارنګه د الکترونیکي جرمونو د مخنیوي قانون اړوند مادې هم د هغه په ضد ایف آیی ار کې شاملې دي. په شکایت کې ویل شوي چې هغه په یوه ویډیو کې د مذهب د سپکاوي څرګندونې کړې چې سخت غبرګونونه او د ادارې پر وړاندې د اقدام غوښتنې یې راوپارولې. چارواکو تایید کړې چې د هغه نیونه د هغو مذهبي ډلو تر زیاتېدونکي فشار وروسته وشوه چې مظاهرې یې کړې او د قانوني اقدام غوښتنه یې کوله
د مرزا نیونه د بیان ازادۍ او د عامه نظم د ساتنې ترمنځ د توازن پر سر بحثونو ته وده ورکړې. مرزا چې په یوټیوب کې د خپلو ویډیويي درسونو له امله پراخه فالوورز لري، تل یو متضاد او لانجمن شخصیت ګڼل شوی دی
مهمه ده او باید یادونه وشی چې د هغه نظر بندي یو ځل بیا د پاکستان د سپکاوي قانون د رنړا لاندې تر تودې موضوع لاندې راغلې دې. . د بشري حقونو مدافعین اندېښنه ښيي چې داسې قوانین د مخالفو غږونو د چوپولو لپاره کارېږي، خو د دې اقدام پلویان استدلال کوي چې دا د ممکنه تاوتریخوالي د مخنیوي لپاره اړین و
اوس مهال مرزا د ۳۰ ورځو لپاره په بند کې دی، خو د قانوني چارو کارپوهان وايي چې دا موده د پلټنو د پرمختګ او د محکمې د پرېکړو له مخې نوره هم اوږدېدای شي
دا قضیه په ټول هېواد کې په نږدې ډول څارل کېږي ځکه چارواکي د دیني عالم پر ضد د قانوني ګامونو ارزونه کوي په داسې حال کې چې حساسیتونه زیات شوي دي.